இந்தியாவில் கொரோனாவுக்கு பலி 25 ஆக உயர்வு.!

உலகளவில் கொரோனா வைரசுக்கு உயிரிழந்தோர் எண்ணிக்கை 30,883 ஆக அதிகரித்துள்ளது. கொரோனாவால் பாதித்தவர்களின் எண்ணிக்கை 6,64,103 ஐ எட்டியுள்ளது. இருப்பினும், வைரசால் பாதிக்கப்பட்ட 1,42,361 பேர் குணமடைந்துள்ளனர். இந்த நிலையில் இந்தியாவில் நாளுக்கு நாள் பாதிப்பு எண்ணிக்கை அதிகரித்து வருகிறது. கொரோனவால் பாதிக்கப்பட்டவர்களின் எண்ணிக்கை நேற்று வரை 909 ஆக இருந்தது. 

தற்போதைய நிலவரபடி இந்தியாவில் பாதிக்கப்பட்டவர்களின் எண்ணிக்கை 979 ஆக அதிகரித்துள்ளது என்றும் இதில் 931 பேர் இந்தியர்களும், 48 பேர் வெளிநாட்டினர் என மொத்தம் 979 பேருக்கு கொரோனா இருப்பது உறுதி செய்யப்பட்டுள்ளது. கொரோனாவால் 25 பேர் இந்தியாவில் உயிரிழந்துள்ளனர். மேலும் 87 பேர் வைரஸிலிருந்து குணமடைந்துள்ளனர் என மத்திய சுகாதாரத்துறை தெரிவித்துள்ளது.