2023 டிசம்பரில், மொத்த ஜிஎஸ்டி வசூல் ரூ.1.64 லட்சம் கோடி கிடைத்துள்ளது என்று இந்த தகவலை நிதி அமைச்சகம் இன்று வெளியிட்டது. அதன்படி, 2022 டிசம்பர் மாதத்தை விட 10.3% கூடுதலாக ஜிஎஸ்டி வரி வருவாய் கிடைத்துள்ளது. அதேசமயம் கடந்த ஆண்டு டிசம்பரில் ஜிஎஸ்டி வசூல் ரூ.1.49 லட்சம் கோடியாக இருந்தது. நவம்பர் 2023 உடன் ஒப்பிடும்போது, டிசம்பரில் ஜிஎஸ்டி வசூலில் 2 சதவீதம் குறைந்துள்ளது.
தொடர்ந்து 10-வது மாதமாக மாத ஜிஎஸ்டி வசூல் ரூ.1.5 லட்சம் கோடியைத் தாண்டியுள்ளது. தமிழகத்தில் கடந்த டிசம்பரில் ரூ.9,888 கோடி ஜிஎஸ்டி வரி வருவாய் கிடைத்துள்ளது. அதேசமயம் 2022 டிசம்பரில் தமிழகத்தில் கிடைத்த ஜிஎஸ்டியை விட 2023-ல் 19% அதிகம்.
டிசம்பர் 2023 இல், சிஜிஎஸ்டி வசூல் ரூ.30443 கோடியாகவும், எஸ்ஜிஎஸ்டி வசூல் ரூ.37935 கோடியாகவும் இருந்தது. 2023 டிசம்பரில் ஐஜிஎஸ்டி வசூல் ரூ.84255 கோடியாகவும், செஸ் ரூ.12249 கோடியாகவும் இருந்தது என்று அரசு தெரிவித்துள்ளது.
unknown node