நாடு முழுவதும் நடைபெற்ற இளநிலை நீட் தேர்வுகள் ரத்து!

டெல்லி : நாடு முழுவதும் கடந்த மே 3-ம் தேதி நடைபெற்ற இளநிலை மருத்துவ நுழைவுத் தேர்வான நீட் (NEET UG 2026) தேர்வு, ராஜஸ்தானில் வினாத்தாள் கசிந்த விவகாரத்தைத் தொடர்ந்து ரத்து செய்யப்பட்டுள்ளது.தேசிய தேர்வு முகமை (NTA) இன்று அதிகாரப்பூர்வமாக அறிவித்தபடி, இது நீட் தேர்வு வரலாற்றில் முதல் முறையாக முழுத் தேர்வும் ரத்து செய்யப்படும் சம்பவமாகும்.

ராஜஸ்தானில் ஏற்பட்ட வினாத்தாள் கசிவு பெரும் பரபரப்பை ஏற்படுத்திய நிலையில், தேர்வு நடைமுறையின் நேர்மையை கருத்தில் கொண்டு இந்த முடிவு எடுக்கப்பட்டுள்ளது.ரத்து செய்யப்பட்டதோடு, வினாத்தாள் கசிவு விவகாரத்தில் சிபிஐ (CBI) விசாரணை நடத்த தேசிய தேர்வு முகமை பரிந்துரை செய்துள்ளது.

இந்த விவகாரம் தொடர்பாக ஏற்கெனவே பல மாநிலங்களில் போலீஸ் வழக்குகள் பதிவு செய்யப்பட்டுள்ளன. மறுதேர்வு தேதி விரைவில் அறிவிக்கப்படும் என்று NTA தெரிவித்துள்ளது.நீட் தேர்வு ரத்து செய்யப்பட்டதற்கு எதிர்க்கட்சிகள், மாணவர் அமைப்புகள், பெற்றோர் மற்றும் மருத்துவ சமூகம் ஆகிய தரப்புகளில் இருந்து கடும் கண்டனங்கள் எழுந்துள்ளன.

பலர் “மாணவர்களின் எதிர்காலத்துடன் விளையாடுவது” என்று குற்றம் சாட்டியுள்ளனர்.இந்த ஆண்டு நீட் தேர்வுக்கு சுமார் 23 லட்சம் மாணவர்கள் விண்ணப்பித்திருந்த நிலையில், தேர்வு ரத்து செய்யப்பட்டது அவர்களுக்கு பெரும் அதிர்ச்சியை ஏற்படுத்தியுள்ளது. மறுதேர்வு எப்போது நடைபெறும், அதற்கான புதிய அட்டவணை என்ன என்பது குறித்து NTA விரைவில் அறிவிக்கும் என்று எதிர்பார்க்கப்படுகிறது.