அந்த மருத்துவரின் அர்ப்பணிப்பு உணர்வை பாராட்ட வார்த்தைகளே இல்லை என மோடி புகழாரம்…

கொவைட-19  வைரஸ் தடுப்பு நடவடிக்கை குறித்து, பாரத பிரதமர் மோடியின், ‘டுவிட்டர்’ கணக்கில், ஏராளமானோர் பகிர்ந்த கருத்துகளுக்கு, தற்போது அவர் பதில் அளித்துள்ளார். இத்தாலியில் இருந்து பத்திரமாக தன் மகளை அழைத்து வந்ததற்கு நன்றி தெரிவித்த ஒருவருக்கு ‘இந்திய மக்களுக்கு எந்த அளவிற்கு முடியுமோ, அந்த அளவிற்கு உதவி செய்வோம்’ என, பதில் தெரிவித்துள்ளார். மேலும், ஒரு மருத்துவர், தன் படத்தை வெளியிட்டு, ‘யாரும் வீட்டை விட்டு வெளியே வராதீர்கள்’ என, கேட்டுக் கொண்டுள்ளார். இந்த நிகழ்வை  பாராட்டிய பிரதமர்  மோடி, ‘நம் பூமி பாதுகாப்பாகவும், ஆரோக்கியமாகவும் வைத்திருக்க பாடுபடும் இதுபோன்ற மனிதர்களின் அர்ப்பணிப்பை பாராட்ட வார்த்தைகள் இல்லை’ என,கூறியுள்ளார். மேலும் அவர், ‘அனைத்து ஆய்வாளர்கள், கண்டுபிடிப்பாளர்கள்,மற்றும்  தொழில்நுட்ப வல்லுனர்களும் ஒன்றிணைந்து, இந்த பூமியை மிகச் சிறந்ததாக மாற்றும் முயற்சியை மேற்கொள்ள வேண்டும்’ எனவும் பிரதமர் மோடி வலியுறுத்தியுள்ளார்.