கடையின் பெயரை மாற்ற கோரி மிரட்டிய சிவசேனா மூத்த தலைவர்..!
மும்பையின், மேற்கு பாந்த்ராவில் உள்ள ‘கராச்சி ஸ்வீட்ஸ்’ என்ற கடையின் உரிமையாளரிடம் சிவசேனா மூத்த தலைவர் நிதின் நந்த்கோக்கரால் பேசும் வீடியோ ஓன்று சமூக வலைத்தளங்களில் வெளியாகி உள்ளது. அதில், கடையின் பெயரில் உள்ள ‘கராச்சி’ என்ற வார்த்தையை நீக்கிவிட்டு அதற்கு பதிலாக மராத்தி மொழியில் நல்ல பெயராக மாற்றுங்கள் “நீங்கள் அதை செய்ய வேண்டும், நாங்கள் உங்களுக்கு நேரம் தருகிறோம் எனக் கடைக்காரரை மிரட்டும் வகையில் அவரது பேச்சு அமைந்திருந்தது.
இந்த வீடியோ இணையத்தில் பரவி வைரலான நிலையில், நிதின் நந்த்கோக்கரால் செயலுக்கு பலர் ஆதரவாகவும், எதிர்க்கவும் கருத்து தெரிவித்து வருகின்றனர். இந்த சம்பவத்திற்கு பிறகு அந்த கடையின் முன்பகுதியிலிருந்த “கராச்சி ஸ்வீட்ஸ்” என்ற பெயர் தற்போது காகிதங்களைக் கொண்டு மறைக்கப்பட்டுள்ளது.
