#BREAKING : பெட்ரோல்,டீசல் பங்க் நேரம் நீட்டிப்பு – தமிழக அரசு அறிவிப்பு

பெட்ரோல் பங்க்குகளின் நேரத்தை தமிழக அரசு நீட்டித்து உத்தரவு பிறப்பித்துள்ளது. 

கொரோனா வைரஸை கட்டுப்படுத்தும் நோக்கில் ஊரடங்கு உத்தரவு பிறப்பிக்கப்பட்டது.3-ஆம் கட்ட ஊரடங்கு பிறப்பிக்கப்பட்ட சமயத்தில் சில தளர்வுகள் அளிக்கப்பட்டது. அதில் ஓன்று பெட்ரோல் பங்க்குகள் இயங்க காலை 6 மணி முதல் மாலை 6 மணி வரை நேரம் நிர்ணயம் செய்யப்பட்டிருந்தது.

இந்நிலையில் தமிழக அரசு அறிவிப்பு ஒன்றை வெளியிட்டுள்ளது.அதாவது ,பெருநகர சென்னை  காவல் துறை எல்லைக்கு உட்பட்ட  பகுதிகளில் பெட்ரோல் பங்க்குகள் காலை 6 மணி முதல் இரவு  6 மணி வரை செயல்பட அனுமதி அளிக்கப்பட்டுள்ளது.சென்னையை தவிர்த்து தமிழ்நாட்டில் உள்ள அனைத்து பகுதிகளிலும் பெட்ரோல் பங்க்குகள் காலை 6 மணி முதல் இரவு  8 மணி வரை செயல்படும் என்று தமிழக அரசு அறிவித்துள்ளது .தேசிய மற்றும் மாநில நெடுஞ்சாலைகளில் உள்ளவை 24 மணி நேரமும் செயல்படும் என்றும் அறிவிக்கப்பட்டுள்ளது.