தமிழகத்தில் ஒரே நாளில் 9 பேருக்கு கொரோனா உறுதி!

உலகை அச்சுறுத்தும் கொரோனா வைரஸ் இந்தியாவில் வேகமாக பரவி வருவதால், நாளுக்கு நாள் பாதிப்பு எண்ணிக்கை அதிகரித்து வருகிறது. இந்த வைரஸ் பரவலை தடுக்க நாடு முழுவதும் 21 நாட்களுக்கு ஊரடங்கு தீவிரமாக அமல்படுத்தப்பட்டுள்ளது. இதுவரை இந்தியாவில் கொரோனா வைரஸ் பாதிக்கப்பட்டோர் எண்ணிக்கை 700க்கும் அதிகமாக உயர்ந்துள்ளது. 

தமிழகத்தில் கொரோனா பாதிக்கப்பட்டோர் எண்ணிக்கை இதுவரை 29ஆக இருந்து வந்த நிலையில், இன்று காலை மேலும் 6 பேருக்கு கொரோனா தொற்று உறுதியாகியுள்ளது. அப்போது தமிழகத்தில் கொரோனா தொற்று பாதிக்கப்பட்டோரின் எண்ணிக்கை 35 ஆக உயர்ந்துள்ளதது. 

இதனை அடுத்து தற்போது வெளியான தகவலின் அடிப்படையில் சென்னை ராஜீவ்காந்தி மருத்துவமனையில் 73 வயதான ஒரு மூதாட்டிக்கும், சென்னை அண்ணா நகரை சேந்த 38 வயதுடைய ஒரு நபருக்கும், சேலத்தை சேர்ந்த ஒரு மூதாட்டிக்கும் கொரோனா தொற்று இருப்பது உறுதியாகியுள்ளது. இதன் மூலம் இன்று ஒரு நாளில் 9 பேருக்கு தமிழகத்தில் கொரோனா தொற்று உறுதிபடுத்தப்பட்டுள்ளது.