திமுக எந்த திட்டமும் நிறைவேற்றவில்லை – இபிஎஸ் குற்றச்சாட்டு!

கல் எடுத்து வீசும் அமைச்சர்களால் தமிழ்நாடு எப்படி வளர்ச்சி பாதைக்கு செல்லும்? என எடப்பாடி பழனிசாமி விமர்சனம்.

ஈரோடு இடைத்தேர்தலில் இபிஎஸ் தரப்பு:

ஈரோடு கிழக்கு தொகுதி இடைத்தேர்தல்யொட்டி அனைத்து கட்சிகளும் தேர்தல் பணியில் தீவிரம் காட்டி வருகிறது. அதிமுகவை பொறுத்தவரை இபிஎஸ் தரப்பு வேட்பாளர் தென்னரசு இடைத்தேர்தலில் போட்டியிடுகிறார். ஓபிஎஸ் தனது தரப்பு வேட்பாளரை வாபஸ் பெற்றார்.

எடப்பாடி பழனிசாமி ஆலோசனை:

இந்த சமயத்தில் அதிமுக தேர்தல் பணிக்குழுவினருடன் எடப்பாடி பழனிசாமி ஆலோசனை மேற்கொண்டார்.  ஈரோடு வில்லரசம்பட்டி பகுதியில் உள்ள தனியார் ரிசார்டில் ஆலோசனை நடந்தது. தேர்தல் பிரச்சாரம், வெற்றிக்கான வியூகங்கள் குறித்து ஆலோசிக்கப்பட்டதாக கூறப்பட்டது.

தேர்தல் பணிக்குழு:

முன்னாள் அமைச்சர் செங்கோட்டையன் தலைமையில் 107 பேர் கொண்ட தேர்தல் பணிக்குழு அமைக்கப்பட்டதை தொடர்ந்து ஆலோசனை நடைபெற்றது. இந்த ஆலோசனை கூட்டத்தில் கூட்டணி கட்சி நிர்வாகிகளும் பங்கேற்றனர். வாக்கு சேகரிப்பு, வெற்றி வியூகம் குறித்து கலந்தாலோசித்தாக கூறப்படுகிறது.

எடப்பாடி பழனிசாமி குற்றச்சாட்டு:

இந்த நிலையில், ஆலோசனை கூட்டத்துக்கு பின் பேசிய எடப்பாடி பழனிசாமி, 22 மாத கால ஆட்சியில் திமுக எந்த திட்டத்தையும் நிறைவேற்றவில்லை. தமிழ்நாட்டில் சட்டம் – ஒழுங்கு சரியில்லை, தினமும் 2 முதல் 4 கொலைகள் நடக்கின்றன. திமுகவினர் தேர்தலுக்காக மட்டுமே வாக்குறுதி கொடுப்பவர்கள். கல் எடுத்து வீசும் அமைச்சர்களால் தமிழ்நாடு எப்படி வளர்ச்சி பாதைக்கு செல்லும்? என விமர்சித்தார்.