திமுக அலுவலகம் திறப்பு விழா – சோனியா காந்திக்கு அழைப்பு!

திமுக அலுவலகம் திறப்பு விழாவில் கலந்துகொள்ள காங்கிரஸ் கட்சி தலைவர் சோனியா காந்திக்கு அழைப்பு.

டெல்லியில் திமுக அலுவலகம் திறப்பு விழாவில் கலந்துகொள்ள காங்கிரஸ் கட்சியின் தலைவர் சோனியா காந்திக்கு டிஆர் பாலு நேரில் சென்று அழைப்பு விடுத்துள்ளார். திமுக அலுவலகம் திறப்பு விழா தொடர்பாக டெல்லியில் சோனியா காந்தியை சந்தித்து டிஆர் பாலு, ஆ.ராசா உள்ளிட்ட எம்பிக்கள் அழைப்பு விடுத்தனர்.

இதுபோன்று ராகுல் காந்திக்கும் அழைப்பு விடுக்கப்பட்டது. டெல்லியில் புதிதாக கட்டப்பட்டுள்ள திமுக அலுவலகத்தை கட்சியின் தலைவரும், தமிழக முதலமைச்சருமான மு.க.ஸ்டாலின் ஏப்ரல் 2-ஆம் தேதி மாலை 5 மணிக்கு திறந்து வைக்கிறார். ஒரு நாள் பயணமாக 2ம் தேதி காலை டெல்லி செல்லும் முதலமைச்சர் திறப்பு விழாவிற்கு பிறகு இரவு மீண்டும் தமிழகம் திரும்புவார்.