சென்னை : சென்னையில் தங்கம் விலை நேற்று (ஏப்ரல் 30) கணிசமான அளவில் குறைந்த நிலையில், இன்று (மே 2) சற்று உயர்ந்துள்ளது.நேற்று காலை தங்கம் விலை சவரனுக்கு ரூ.400 குறைந்து ரூ.1,12,400-க்கும், கிராமுக்கு ரூ.50 குறைந்து ரூ.14,050-க்கும் விற்பனை செய்யப்பட்டது.
மாலைக்குள் மேலும் குறைந்து, சவரன் ரூ.1,040 வீழ்ச்சியடைந்து ரூ.1,11,360-க்கும், கிராம் ரூ.130 குறைந்து ரூ.13,920-க்கும் விற்கப்பட்டது. இதனால் ஒரே நாளில் சவரன் ரூ.1,440 குறைந்தது.வெள்ளி விலையில் நேற்று மாற்றம் இல்லை. ஒரு கிராம் ரூ.265-க்கும், ஒரு கிலோ ரூ.2,65,000-க்கும் விற்பனையானது.
இன்று தங்கம் விலை சவரனுக்கு ரூ.640 உயர்ந்து ரூ.1,12,000-க்கும், கிராமுக்கு ரூ.80 உயர்ந்து ரூ.14,000-க்கும் விற்பனை செய்யப்படுகிறது. வெள்ளி விலையும் சற்று உயர்ந்து, ஒரு கிராம் ரூ.270-க்கும், ஒரு கிலோ ரூ.2,70,000-க்கும் விற்கப்படுகிறது.
தங்கம் மற்றும் வெள்ளி விலையில் ஏற்பட்ட இந்த ஏற்ற இறக்கம், பொதுமக்களிடையே அதிர்ச்சியையும், குழப்பத்தையும் ஏற்படுத்தியுள்ளது. திருமணம், பண்டிகை மற்றும் முதலீட்டு நோக்கங்களுக்காக தங்கம் வாங்க திட்டமிட்டிருப்பவர்கள், சந்தை நிலவரத்தை உன்னிப்பாக கவனித்து முடிவு எடுக்குமாறு வர்த்தகர்கள் அறிவுறுத்தியுள்ளனர்.