சென்னை : நேற்று அதிரடியாக சரிந்த தங்கம் விலை, இன்று மீண்டும் உயர்வு கண்டுள்ளது. சென்னையில் ஆபரணத் தங்கத்தின் விலை சவரனுக்கு ரூ.240 உயர்ந்துள்ளதால் நகை வாங்க திட்டமிட்டிருந்த பொதுமக்கள் கவனம் செலுத்தி வருகின்றனர்.
நேற்று (ஜூன் 19) 22 காரட் ஆபரணத் தங்கத்தின் விலை கிராமுக்கு ரூ.380 குறைந்து ரூ.13,570க்கும், சவரனுக்கு ரூ.3,040 குறைந்து ரூ.1,08,560க்கும் விற்பனை செய்யப்பட்டது. இதனால் தங்கம் வாங்குவோரிடையே மகிழ்ச்சி ஏற்பட்டிருந்தது.
ஆனால் அந்த மகிழ்ச்சி நீண்ட நேரம் நீடிக்கவில்லை. இன்று தங்கம் விலை மீண்டும் உயர்ந்துள்ளது. அதன்படி, 22 காரட் ஆபரணத் தங்கத்தின் விலை கிராமுக்கு ரூ.30 உயர்ந்து ரூ.13,600க்கும், சவரனுக்கு ரூ.240 உயர்ந்து ரூ.1,08,800க்கும் விற்பனை செய்யப்படுகிறது.
அதேபோல், 18 காரட் தங்கத்தின் விலையும் உயர்ந்துள்ளது. ஒரு கிராம் 18 காரட் தங்கம் ரூ.20 அதிகரித்து ரூ.11,370க்கும், ஒரு சவரன் ரூ.160 உயர்ந்து ரூ.90,960க்கும் விற்பனை செய்யப்படுகிறது.
தங்கம் விலையில் ஏற்ற இறக்கம் தொடர்ந்து நிலவி வரும் நிலையில், சர்வதேச சந்தை நிலவரம், அமெரிக்க டாலரின் மதிப்பு, மத்திய வங்கிகளின் கொள்கை முடிவுகள் மற்றும் முதலீட்டாளர்களின் வர்த்தக நடவடிக்கைகள் போன்றவை முக்கிய காரணங்களாக பார்க்கப்படுகின்றன.
இதற்கிடையில் வெள்ளி விலையில் எந்த மாற்றமும் ஏற்படவில்லை. ஒரு கிராம் வெள்ளி ரூ.255க்கும், ஒரு கிலோ வெள்ளி ரூ.2,55,000க்கும் விற்பனை செய்யப்பட்டு வருகிறது.
கடந்த சில வாரங்களாக தங்கம் விலை தொடர்ந்து புதிய உச்சங்களை தொட்டு வரும் நிலையில், நாளுக்கு நாள் விலையில் ஏற்படும் மாற்றங்கள் நகை வாங்குவோர் மற்றும் முதலீட்டாளர்கள் மத்தியில் அதிக கவனத்தை ஈர்த்து வருகின்றன.