சட்டவிரோத லாட்டரி விற்பனை வீடியோ விவகாரம்; சேலத்தில் இந்திய ஜனநாயக வாலிபர் சங்கத்தினர் போராட்டம்.!

சேலத்தில் போராட்டத்தில் ஈடுபட்டுவந்த இந்திய ஜனநாயக வாலிபர் சங்கத்தினர்(DYFI) போலீசாரால் கைது.  

தமிழ்நாட்டில் தடை செய்யப்பட்ட லாட்டரி விற்பனையை சேலத்தில் சட்டவிரோதமாக விற்கப்பட்டதாகக் கூறி வீடியோ ஒன்று சமூகவலை தளத்தில் வெளியானது. இந்த வீடீயோவை வெளியிட்டதாக சேலம் மாவட்டத்தின் இந்திய ஜனநாயக வாலிபர் சங்கத்தின் மாவட்ட செயலாளர் சில நபர்களால் தாக்கப்பட்டதாகவும், லாட்டரி விற்பனையாளர்கள் தான் தாக்கியதாகவும் அவர்கள் நடவடிக்கை எடுக்க கோரி புகார் அளிக்கப்பட்டது.

காவல்நிலையத்தில் இருதரப்பிலும் மீதும் புகார் அளிக்கப்பட்டதாக கூறப்படுகிறது. மாவட்ட செயலாளர் மீது தாக்கியதாக லாட்டரி விற்பனையாளர்கள் மீதும், வீடியோ வெளியிட்ட மாவட்ட செயலாளர் தன்னிடம் பணம் கேட்டதாக லாட்டரி விற்றவர்கள் தரப்பிலும் காவல் நிலையத்தில் புகார் அளிக்கப்பட்டதாகக் கூறப்படுகிறது.

இந்நிலையில் நடவடிக்கை எடுக்காததாகக் கூறி, மாவட்ட ஆட்சியர் அலுவலகம் முன்பு சாலைமறியல் உள்ளிட்ட போராட்டத்தில் இந்திய மார்க்சிஸ்ட் கம்யூனிஸ்ட் கட்சியினர், மற்றும் இந்திய ஜனநாயக வாலிபர் சங்கத்தினர்(DYFI) ஈடுபட்டு வந்த நிலையில் போலீசாரால் வலுக்கட்டாயமாக தூக்கிச்செல்லப்பட்டு கைது செய்யப்பட்டுள்ளதாக தகவல் வெளியாகியுள்ளது.