உள்ளாட்சித் தேர்தல் : டோக்கன் வழங்க உத்தரவு

• இன்று 2-ம் கட்ட தேர்தல் நடைபெற்று வருகிறது.
• தகுதியுள்ள வாக்காளர்களுக்கு மட்டுமே வாக்களிக்க டோக்கன் வழங்க உத்தரவு பிறப்பிக்கப்பட்டுள்ளது.

தமிழகத்தில் ஊரக உள்ளாட்சி தேர்தலை  2 கட்டங்களாக நடத்தப்படும் என மாநில தேர்தல் ஆணையம் அறிவித்தது.இதனால் கடந்த 27-ம் தேதி முதற்கட்ட தேர்தலில் 45 ஆயிரத்து 336 பதவிகளுக்கு தேர்தல் நடைபெற்றது. இந்நிலையில் இன்று 2-ம் கட்ட தேர்தல் காலை 7 மணி முதல் வாக்குப்பதிவு தொடங்கி நடைப்பெற்று வருகிறது. பாதுகாப்புப் பணியில் 61,000 போலீசார் , முன்னாள் ராணுவத்தினா் ஈடுபட்டுள்ளனா்.

இந்நிலையில் தமிழ்நாடு மாநில  தேர்தல் ஆணையம் உத்தரவு ஒன்றை பிறப்பித்துள்ளது.அதன்படி, மாலை 5 மணிக்குள் வாக்குச்சாவடி மையங்களுக்கு வரும் தகுதியுள்ள வாக்காளர்களுக்கு மட்டுமே வாக்களிக்க டோக்கன் வழங்க வேண்டும் என்று   உத்தரவு பிறப்பித்துள்ளது.