தாய்லாந்தில் 3,000 முதல் 5,000 ஆண்டுகள் பழமையான 39 அடி திமிங்கலத்தின் எலும்புக்கூடை ஆராய்ச்சியாளர்கள் கண்டறிந்துள்ளனர்.
கண்டுபிடித்த இந்த திமிங்கலம் பிரைடின் வகையை சேர்ந்தவை என்றும் தாய்லாந்தின் தலைநகர் பாங்கொக் நகரின் மேற்கே உள்ள சாமுத் சாகோனில் கடற்கரையிலிருந்து 7.5 மைல் தொலைவில் கண்டெடுக்கப்பட்டுள்ளது.
13-28 டன் எடை வரை வளரக்கூடிய பிரைடின் திமிங்கலங்கள் உலகளவில் வெப்பமண்டல மற்றும் வெப்பமான மிதமான கடல்களில் வாழ்கின்றன, அவை இன்றும் தாய்லாந்தைச் சுற்றியுள்ள நீரில் காணப்படுகின்றது.
சிங்கப்பூர் தேசிய பல்கலைக்கழகத்தின் பாலூட்டி ஆராய்ச்சியாளர் மார்கஸ் சுவா பிபிசியிடம் பேட்டி அளிக்கையில், விதிவிலக்காக பாதுகாக்கப்பட்ட திமிங்கல எலும்புகள் ‘ஒரு அரிய கண்டுபிடிப்பு’ என்று கூறினார்.
unknown nodeஆராய்ச்சியாளர் மார்கஸ் சுவா கண்டுபிடிக்கப்பட்ட திமிங்கல எலும்புக்கூட்டின் படங்களை நாட்டின் முன்னாள் பிரதமரின் மகன் வரவுத் சில்பா-அர்ச்சா பேஸ்புக்கில் பகிர்ந்துள்ளார்.
இதுவரை 80 சதவீதத்துக்கு மேற்பட்ட எலும்புக் கூடு இதுவரை மீட்கப்பட்டுள்ளன. அதில், 10 அடி நீளமுள்ள ஒரு தலை, துடுப்புகள், விலா எலும்புகள், முதுகெலும்புகள் மற்றும் ஒரு தோள்பட்டை கத்தி ஆகியவை அடங்கும்.
ஒரு நிபுணர் இது குறித்து கூறுகையில், ஆயிரக்கணக்கான ஆண்டுகளுக்கு முன்பு பிரைட்டின் திமிங்கலங்கள் எவ்வாறு வாழ்ந்தன என்பதை நன்கு புரிந்துகொள்ள ஆராய்ச்சியாளர்களுக்கு இந்த கண்டுபிடிப்பு உதவும். மேலும், அவை கடந்த காலங்களில் எவ்வாறு வேறுபடுகின்றன என்பதை வெளிப்படுத்துகின்றன.
இதற்கிடையில், திமிங்கலத்தின் எலும்புகள் திமிங்கலத்தின் வயதைப் பற்றிய மிகத் துல்லியமான மதிப்பீட்டை அடுத்த மாதம் தெரிவிக்கப்படும் என்று எதிர்பார்க்கப்படுகிறது.
unknown node