உலக டெஸ்ட் சாம்பியன்ஷிப் இறுதிப்போட்டியிலிருந்து ஆஸ்திரேலிய வீரர் ஹேசல்வுட் விலகல்.!

ஐசிசி உலக டெஸ்ட் சாம்பியன்ஷிப் பைனலுக்கு ஆஸ்திரேலியாவின் முக்கிய  வேகப்பந்துவீச்சாளர் ஹேசல்வுட் விலகியுள்ளார்.

டெஸ்ட் உலகக்கோப்பை பைனல் எனும் ஐசிசியின் உலக டெஸ்ட் சாம்பியன்ஷிப் இறுதிப்போட்டி வரும் ஜூன் 7இல் தொடங்குகிறது. இந்த இறுதிப்போட்டியில் இந்தியா மற்றும் ஆஸ்திரேலிய அணிகள் லண்டன் ஓவல் மைதானத்தில் மோதுகின்றன. இதற்காக இரு அணி வீரர்களும் தீவிர பயிற்சியில் ஈடுபட்டு வருகின்றனர். இதில் இந்தியா இரண்டாவது முறையாக இறுதிப்போட்டிக்கு தகுதி பெற்றுள்ளது குறிப்பிடத்தக்கது.

இந்த போட்டிக்கு முன்னதாக ஆஸ்திரேலிய அணி வீரர் ஜோஸ் ஹேசல்வுட் காயம் காரணமாக இறுதிப் போட்டியில் இருந்து விலகியுள்ளார். ஏற்கனேவே அவர் ஐபிஎல் தொடரில் காயம் காரணமாக பெங்களூரு அணியிலும் விளையாடவில்லை. தற்போது ஆஸ்திரேலிய அணியிலிருந்து ஹேசல்வுட் விலகியுள்ளதால் அவருக்கு பதிலாக மைக்கேல் நெசர் அணியில் சேர்க்கப்பட்டுள்ளார்.

ஆஸ்திரேலிய அணி: பேட் கம்மின்ஸ் (C), ஸ்காட் போலண்ட், அலெக்ஸ் கேரி (W), கேமரூன் கிரீன், மார்கஸ் ஹாரிஸ், டிராவிஸ் ஹெட், ஜோஷ் இங்கிலிஸ் (W), உஸ்மான் கவாஜா, மார்னஸ் லபுஸ்சானே, நாதன் லியோன், டாட் மர்பி, மைக்கேல் நெசர், ஸ்டீவ் ஸ்மித் (VC) , மிட்செல் ஸ்டார்க், டேவிட் வார்னர்