IPL MI vs GT: குஜராத் அணி அதிரடி ஆட்டம்..! மும்பை அணிக்கு இதுவே இலக்கு..!
ஐபிஎல் தொடரில் இன்றைய MI vs GT போட்டியில், முதலில் பேட் செய்த குஜராத் அணி 207/6 குவித்துள்ளது.
16-வது ஐபிஎல் தொடரின் இன்றைய போட்டியில் மும்பை இந்தியன்ஸ் மற்றும் குஜராத் டைட்டன்ஸ் அணிகள் அகமதாபாத்திலுள்ள நரேந்திர மோடி ஸ்டேடியத்தில் விளையாடுகின்றன. இதில் டாஸ் வென்ற மும்பை அணி கேப்டன் ரோஹித் சர்மா, முதலில் பந்துவீச்சை தேர்வு செய்தார்.
இதன்படி, குஜராத் அணியில் முதலில் விருத்திமான் சாஹா மற்றும் சுப்மன் கில் தொடக்க ஆட்டக்காரர்களாக களமிறங்கினர். விருத்திமான் சாஹா களமிறங்கிய வேகத்தில் 4 ரன்கள் எடுத்து ஆட்டமிழந்த நிலையில், சுப்மன் கில் அதிரடியாக விளையாடி அரைசதம் அடித்து அசத்தினார். அவரைத்தொடர்ந்து, களமிறங்கிய ஹர்திக் பாண்டியா 13 ரன்கள் அடித்து ஆட்டமிழந்தார்.
இதன்பின், அதிரடியாக களமிறங்கிய டேவிட் மில்லர் மற்றும் அபினவ் மனோகர் அணிக்கு ரன்களை குவித்தனர். அதிரடியாக விளையாடிக்கொண்டிருந்த அபினவ் மனோகர் 42 ரன்கள் எடுத்து ஆட்டமிழந்தார். டேவிட் மில்லர் அரைசதம் அடிப்பார் என்று எதிர்பார்க்கப்பட்ட நிலையில் 46 ரன்களுக்கு ஆட்டமிழந்தார்.
முடிவில், குஜராத் அணி 20 ஓவர்களில் 6 விக்கெட்டுகளை இழந்து 207 ரன்கள் எடுத்துள்ளது. குஜராத் அணியில் அதிகபட்சமாக சுப்மன் கில் 56 ரன்களும், டேவிட் மில்லர் 46 ரன்களும், அபினவ் மனோகர் 42 ரன்களும், ராகுல் தெவாடியா 20 ரன்களும் குவித்துள்ளனர். மும்பை அணியில் பியூஷ் சாவ்லா 2 விக்கெட்டுகளை வீழ்த்தியுள்ளார்.
