IPL2023: ஐபிஎல் முதல் போட்டியில் தோனி சந்தேகம்; தகவல்.!

இன்று தொடங்கும் ஐபிஎல் 2023 தொடரின் முதல் போட்டியில் சிஎஸ்கே அணியின் கேப்டன் தோனி விளையாடுவதில் சந்தேகம் என தகவல்.

கிரிக்கெட் ரசிகர்களால் பெரிதும் எதிர்பார்க்கப்பட்ட, 16-வது ஐபிஎல் தொடர் இன்று குஜராத் அகமதாபாத்தின் நரேந்திர மோடி மைதானத்தில் தொடங்குகிறது. 10 அணிகள் பங்கேற்கும் இந்த ஐபிஎல் தொடர் இன்று தொடங்கி இன்னும் 2 மாதங்கள் நடைபெறுகிறது. இன்று தொடங்கும் முதல் போட்டியில் சிஎஸ்கே மற்றும் நடப்பு சாம்பியன் குஜராத் டைட்டன்ஸ் அணிகள் மோதுகின்றன.

மாலை 6 மணிக்கு தொடங்கும் ஐபிஎல் தொடக்கவிழா நிகழ்ச்சிகளைத்  தொடர்ந்து போட்டி இரவு 7.30க்கு தொடங்குகிறது. இந்த போட்டியில் காயம் காரணமாக தோனி விளையாடமாட்டார் என தகவல் வெளியாகியுள்ளது. பயிற்சியின் போது தோனி, இடது கால் முட்டியில் ஏற்பட்ட காயத்தால் நீ கேப்(Knee Cap) அணிந்திருந்தார், இதனால் முதல் போட்டியில் தோனி ஓய்வு எடுக்கக்கூடும் என்று கூறப்படுகிறது.

தோனிக்கு பதிலாக ருதுராஜ் அல்லது ஜடேஜா கேப்டனாக செயல்படுவார் என்று எதிர்பார்க்கப்படுகிறது. ஏற்கனவே காயம் காரணமாக விலகியுள்ள வேகப்பந்து வீச்சாளர், முகேஷ் சவுத்ரிக்கு பதிலாக ஆகாஷ் சிங் அணியில் சேர்க்கப்பட்டுள்ளார் என்பது குறிப்பிடத்தக்கது.