ஒலிம்பிக் குத்துச்சண்டை :இந்தியாவுக்கு மற்றொரு பதக்கம் பெற்று கொடுத்த லவ்லினா...!

டோக்கியோ ஒலிம்பிக் குத்துச்சண்டை போட்டியில் இந்திய வீராங்கனை லவ்லினா வெண்கலப் பதக்கம் வென்றுள்ளார்.

டோக்கியோ ஒலிம்பிக் மகளிர் குத்துச்சண்டை காலிறுதி போட்டியில்,64-69 கிலோ எடைப்பிரிவில் இந்தியாவின் லவ்லினா,சீன தைபேயின் சின்-சென் நியென்னை கடந்த ஜூலை 30 ஆம் தேதி எதிர்கொண்டார். இப்போட்டியில்,சீன வீராங்கனையை 4-1 என்ற கணக்கில் லவ்லினா தோற்கடித்து அரையிறுதிக்கு தகுதி பெற்றார்.

இந்நிலையில்,இன்று நடைபெற்ற டோக்கியோ ஒலிம்பிக் குத்துச்சண்டை 69 கிலோ எடைப்பிரிவின் அரையிறுதிப் போட்டியில் இந்திய வீராங்கனை லவ்லினா,துருக்கி வீராங்கனை புஷானேஸ் கர்மெனஸியை எதிர்கொண்டார்.இப்போட்டியில் 0-5 என்ற கணக்கில் லவ்லினா தோற்றதால்,வெண்கலப் பதக்கம் வென்றுள்ளார்.

முன்னதாக,டோக்கியோ ஒலிம்பிக் பளுதூக்குதலில் மீராபாய் சானு வெள்ளிப் பதக்கம் வென்றார்.இதனையடுத்து,ஒலிம்பிக் பேட்மிண்டனில் பிவி சிந்து வெண்கலப்பதக்கம் வென்றார்.இந்நிலையில்,இந்தியாவுக்கு 3 வது பதக்கத்தை பெற்று கொடுத்து லவ்லினா பெருமை சேர்த்துள்ளார்.