கமலுக்கு வில்லியாக களமிறங்குகிறாரா காஜல்!

• கமலுக்கு வில்லியாக களமிறங்குகிறாரா காஜல்.
• இதுவரை நான் நடிக்காத கதபாத்திரம் இது.

இயக்குனர் சங்கர் இயக்கத்தில், உலகநாயகன் கமலஹாசன்  நடிப்பில் உருவாகி வரும் திரைப்படம் இந்தியன் 2 . இந்த படத்தின் படப்பிடிப்பு கடந்த ஆண்டு ஜனவரி – 18-ம் தேதி துவங்கியது. இந்த படத்தில், கமல், காஜல் அகர்வால், டெல்லி கணேஷ், சித்தார்த் போன்ற பிரபலங்கள் நடித்து வருகின்றனர். இசையமைப்பாளர் அனிரூத் இசையமைக்கிறார்.

இந்நிலையில், இந்த படத்தில் காஜல், வயதான வேடத்தில் நடித்து வருவதாக கூறப்பட்டு வருகிறது. இதனையடுத்து, இவர் சமீபத்தில் அளித்துள்ள பேட்டி ஒன்றில், இந்தியன்-2 படத்தில் அவரது கதாபாத்திரம் குறித்து கேள்வி எழுப்பப்பட்டது.

இதற்கு பதிலளித்த காஜல், இதுவரை நான் நடிக்காத கதபாத்திரம் இது. வழக்கமாக எல்லோரும் கூறுவது தானே என கேட்க வேண்டாம். இது உண்மையிலேயே வித்தியாசமானது. வேறு எதுவும் என்னால் கூற முடியாது’ என பதிலளித்துள்ளார். இதனையடுத்து இப்படத்தில் காஜல் வில்லி வேடத்தில் நடிக்கலாம் என தகவல்கள் பரவி வருகிறது.