தளபதி விஜய்யுடன் பிக்பாஸ் புகழ் வனிதாவின் மகன்.! வைராலாகும் புகைப்படங்கள் இதோ.!

வனிதா விஜயகுமாரின் மூத்த மகனான விஜய் ஸ்ரீஹரி தளபதி விஜய்யுடன் உள்ள புகைப்படங்கள் சமூக வலைத்தளங்களில் மிகவும் வைரலாகி வருகிறது.

தமிழ் சினிமாவில் ‘சந்திரலேகா’ என்ற படத்தின் முதல் நடிகையாக அறிமுகமானவர் தான் வனிதா விஜயகுமார். சமீப காலங்களில் அவர் பல சர்ச்சைக்கு உள்ளாகிய போதிலும் அவருடைய தன்னம்பிக்கை மற்றும் தைரியத்தை கைவிடாமல் சினிமாவில் மட்டுமில்லாமல் அவருடைய வாழ்க்கையிலும் பிடித்து நின்றார். இதனையடுத்து, விஜய் தொலைக்காட்சியில் உலகநாயகன் கமல்ஹாசன் தொகுத்து வழங்கிய பிக்பாஸ் – 3 இல் கலந்து கொண்டு அனைத்து போட்டியாளர்களையும் வறுத்து எடுத்து விட்டார் என்றே கூறலாம். அதன் மூலம் பிரபலமான வனிதா அதே தொலைக்காட்சியில் ஒளிபரப்பாகி வந்த குக் வித் கோமாளி நிகழ்ச்சியில் பங்கேற்று அதன் டைட்டிலையும் தட்டி சென்றார். தற்பொழுது யூடியூப் சேனலை தொடங்கி பிஸியாக வலம் வரும் வனிதா மூன்றாவது திருமணம் செய்து கொள்கிறார்.

இரு வீட்டார் மற்றும் நெருங்கிய நண்பர்கள் முன்னிலையில் வரும் ஜூன் 27ம் தேதி பீட்டர் பவுல் என்பவருடன் மூன்றாவது திருமணம் செய்யவிருப்பதாக தகவல்கள் வெளியாகியுள்ளன. ஏற்கனவே இரண்டு முறை திருமணமாகிய இவருக்கு 2பெண் குழந்தைகள் மற்றும் ஒரு ஆண் குழந்தை உள்ளது குறிப்பிடத்தக்கது சமீபத்தில் வருங்கால கணவரான பீட்டர் பவுல் என்பவரது பெயரை கையில் டாட்டூ போட்ட புகைப்படம் சமூக வலைத்தளங்களில் மிகவும் வைரலாகியது குறிப்பிடத்தக்கது. இந்த நிலையில் தற்போது தனது இன்ஸ்டாகிராம் பக்கத்தில் தளபதி விஜய்யுடன் வனிதாவின் மகனான விஜய் ஸ்ரீஹரி இருக்கும் புகைப்படங்களை வெளியிட்டுள்ளார். கடந்த 1995ல் நம்பிராஜ் இயக்கத்தில் தளபதி விஜய்யுடன் வனிதா விஜயகுமார் நடித்திருந்தார். விஜய்யின் நல்ல நண்பரான வனிதாவின் வீட்டில் விஜய் ஸ்ரீஹரியின் முதல் பிறந்தநாளுக்கு தளபதி மற்றும் சங்கீதா வந்துள்ளனர். அப்போது குழந்தைகளுடன் விளையாடும் தளபதியின் புகைப்படங்களை வெளியிட்டு விஜய் ரசிகர்களை குஷிப்படுத்தி உள்ளார் வனிதா. தற்போது அந்த புகைப்படங்கள் சமூக வலைத்தளங்களில் மிகவும் வைரலாகி வருகிறது.