ஆட்டோ மொபைல் துறை நல்ல வளர்ச்சியை அடைந்துள்ளது கடந்த மாதம். ப 2018-2019ம் நிதியாண்டிற்கான முதல் மாதம் கடந்த ஏப்ரல் மாதத்துடன் முடிவடைந்தது. முதல் மாதமே ஆட்டோமொபல் துறையில் பல நிறுவனங்கள் நல்ல முன்னேற்றத்தை அடைத்துள்ளனர்.
மாருதி சுசூகி, டாடா, மஹேந்திரா, ஆகிய நிறுவனங்கள் நல்ல வளர்ச்சியை அடைத்துள்ளது.
ஃபோர்டு இந்தியா வீழ்ச்சியை சந்தித்துள்ளது.
ஏப்ரல் மாதம் விற்பனையான டாப் 5 கார் நிறுவனங்கள் குறித்து கீழே உள்ள பட்டியலில் இருந்து தெரிந்து கொள்ளுங்கள்.
மாருதி சுசூகி
unknown nodeமாருதி சுசூகி நிறுவனம் கடந்த மாதம் 14.4 சதவீத வளர்ச்சியை அடைந்துள்ளது. ஏப். மாதம் மட்டும் 1,72,986 வாகனங்களை விற்பனை செய்துள்ளது. 2017 ம் ஆண்டு ஏப். மாதத்தில் 1,51,215 வாகனங்கள் மட்டுமே விற்பனை செய்திருந்தது. இப்பொழுதும அது 2016ம் ஆண்டு விற்பனையான வாகனங்களின் எண்ணிக்கை விட 13 சதவீத வளர்ச்சியை அடைந்திருந்தது. ஆக மாருதி சுசூகி நிறுவனம் தொடர்ந்து வளர்ச்சியை சந்தித்து வருகிறது. கமர்ஷியல் வாகனமும் 275 சதவீத வளர்ச்சியை கண்டுள்ளது. அதே நேரத்தில் உள்நாட்டு விற்பனை அதிகரித்ததால் வெளிநாட்டிற்கு ஏற்றுமதி செய்யும் திறனை குறைத்துக்கொண்டது. இந்தாண்டு ஏற்றுமதியில் 19.1 சதவீதம் வீழ்ச்சியை அந்நிறுவனம் சந்தித்துள்ளது.
ஹூண்டாய்
unknown nodeஹூண்டாய் நிறுவனம் 46,735 வாகனங்களை விற்று 4.4 சதவீத வளர்ச்சியை அடைந்துள்ளது. 2017 ஏப் மாதம் 44,758 வானகங்களையே விற்றுள்ளது. அதே நேரத்தில் ஏற்றுமதியிலும் 12 சதவீத வளர்ச்சியை சந்தித்துள்ளது. கடந்தாண்டு 11,610 வாகனங்களை ஏற்றுமதி செய்தது. இந்தாண்டு 13,009 வாகனங்களை ஏற்றுமதி செய்துள்ளது. புதிய தலைமுறை வெர்னா, மற்றும் புதிதாக மாற்றியமைக்கப்பட்ட ஐ20 ரக கார்கள் இந்த வளர்ச்சியில் முக்கிய பங்கு வகிக்கின்றன. அதே போல் க்ரட்டா, மற்றும் கிராண்ட் ஐ10 ஆகிய கார்கள் ஒட்டு மொத்த விற்பனையில் 79 சதவீதத்தை பிடித்துள்ளன.
மஹேந்திரா & மஹேந்திரா
unknown nodeமஹேந்திரா நிறுவனம் கடந்தாண்டு ஏப் மாதம் 39,417 வாகனங்களை விற்பனை செய்த நிலையில் இந்தாண்டு ஏப். மாதம் 48,097 வாகனங்களை விற்பனை செய்து 22 சதவீத வளர்ச்சியை அடைந்துள்ளது. கமர்ஷியல் வாகனங்களுக்கான பிரிவில் இந்நிறுவனம் 18,963 கார்களை விற்கு 26 சதவீத வளர்ச்சியை பெற்றுள்ளது. அதே நேரத்தில் 2,880 வாகனங்களை ஏற்றுமதி செய்து ஏற்றுமதியில் 88 சதவீத வளர்ச்சியை பெற்றுள்ளது.
டாடா மோட்டார்ஸ்
unknown nodeடாடா மோட்டார் நிறுவனம் பயணிகள் வாகனத்தில் 34 சதவீத வளர்ச்சியை கண்டுள்ளது. கடந்தாண்டு ஏப். மாதம் 12,827வாகனங்களை விற்ற இந்நிறுவனம் இந்தாண்டு ஏப்ரலில் 17,235 வாகனங்களை விற்றுள்ளது. டியாகோ நெக்ஸான் ஆகிய கார்கள் இந்த வளர்ச்சியில் முக்கிய பங்கு வகிக்கின்றன. நெக்ஸான் கார்களுக்கு அதிக வரவேற்ப்பு இருப்பதாக இந்நிறுவனம் தெரிவித்துள்ளது சராசரியாக மாதம் சுமார் 4,100 நெக்ஸான் கார்களை இந்தியாவில் விற்பனை செய்கிறது இந்நிறுவனம்.
ஃபோர்டு
கடந்தாண்டு ஏப்ரல் மாதம் 25,149 பயணிகள் கார்களை விற்பனை செய்த ஃபோர்டு நிறுவனம் இந்தாண்டு ஏப்ரலில் 15,281 கார்களை மட்டுமே விற்பனை செய்து 40 சதவீத பின்னடைவை சந்திதுள்ளது. இந்நிறுவனத்தில் மொத்த விற்பனையிலும் 2.5 சதவீதம் வீழ்ச்சியடைந்துள்ளது. அதே போல் ஏற்றுமதியிலும் கடந்தாண்டு ஏப்ரலில் 17,531 கார்களை ஏற்றுமதி செய்த நிலையில் இந்தாண்டு வெறும் 7,853 கார்களை மட்டும் விற்பனை செய்துள்ளது. இது 55 சதவீத வீழ்ச்சியாகும்.