Anirudh: இனிமேல் 2 வருஷத்துக்கு அனிருத்தை கையில் பிடிக்கவே முடியாது! மொத்த லிஸ்ட்டும் இங்கே தான்…
தமிழ் திரையுலகில் முன்னணி இசையமைப்பாளரான அனிருத், அடுத்த 2 வருடங்களுக்கு ரொம்ப பிஸியாகிவிடுவார் என சினிமா வட்டாரங்களில் கிசுகிசுக்கப்படுகிறது. தற்போது உச்சத்தில் இருக்கக்கூடிய இசையமைப்பாளர் யார் என்றால், அது அனிருத் என்று கூறலாம். சமீபகாலமாக வெளியான பல பெரிய படங்களுக்கு அவர்தான் இசையமைத்திருந்தார்.
அதுபோல, இன்னும் வெளியாகவுள்ள பல பெரிய படங்களுக்கும் அவர்தான் இசையமைத்து வருகிறார். இசையமைப்பாளர் அனிருத் ஒரு படத்திற்கு இசையமைத்தாலே அந்த படத்தில் உள்ள பாடல்களும், பின்னணி இசையும் பெரிதளவில் பேசப்பட்டு விடும் என்பது போலவே மாறிவிட்டது.
அந்த அளவிற்கு ஒரு படத்திற்கு தரமான பின்னணி இசையையும், சூப்பரான பாடல்களையும் கொடுத்து மக்களை சந்தோஷத்தில் வைத்து வருகிறார். அவர் இசையமைக்கும் படங்களின் பாடல்களும் பெரிதளவில் பேசப்பட்டு வெற்றியடைந்து விடுகிறது.
குறிப்பாக கடைசியாக இவரது இசையில் வெளியான விக்ரம், ஜெயிலர், ஜவான் ஆகிய படங்களின் வெற்றிக்கு அனிருத்தின் பின்னணி இசை மற்றும் பாடல்கள் முக்கிய காரணம். இந்நிலையில், அனிருத் தற்போது பெரிய நடிகர்களின் படங்களுக்கு இசையமைத்து வருகிறார்.
இப்பொது, விஜய்யின் லியோ படத்திலும் கமலின் இந்தியன் 2 படத்திலும் இசையமைத்த வரும் அனிருத்தின் கையிருப்பில், ரஜினியின் 170 மற்றும் 171 ஆவது படம், அஜித்தின் விடாமுயற்சி, தெலுங்கில் ஜூனியர் NTR-ன் தேவாரா, விஜய் தேவரகொண்டாவின் 12வது படம் மற்றும் வெங்கட் பிரபுவின் பார்ட்டி என அடுத்தடுத்து படங்களுக்கு இசையமைக்க அனிருத் முன்பதிவு செய்யப்பட்டுள்ளாராம்.
