Ashok Selvan: கீர்த்தி பாண்டியனை கரம் பிடித்தார் அசோக் செல்வன்! வைரலாகும் திருமண புகைப்படங்கள்…
நடிகர்கள் அசோக் செல்வன் நடிகை கீர்த்தி பாண்டியனை திருமணம் செய்து கொண்டனர்.
தமிழ் சினிமாவில் இளம் நடிகர்களில் ஒருவரான நடிகர் அசோக் செல்வன் சமீபத்தில் விமர்சன ரீதியாக பாராட்டப்பட்ட பிளாக்பஸ்டர் ஹிட்டான ‘போர் தோழில்’ படத்தில் நடித்திருந்தார். 33 வயதாகும் இவருக்கும் நடிகை கீர்த்தி பாண்டியனுக்கும் இன்று திருமணம் நடைபெற உள்ளதாக ஏற்கனவே தகவல் வெளியானது.
அதன்படி, செப்டம்பர் 13 இன்று திருநெல்வேலியில் இருவரின் நண்பர்கள் மற்றும் குடும்பத்தினர் முன்னிலையில் திருமணம் நடைபெற்றுள்ளது. நடிகை ரம்யா பாண்டியன், கீர்த்தியின் குடும்ப உறுப்பினர் மற்றும் உறவினர், தம்பதியினருடன் இருக்கும் திருமண புகைப்படங்களை தனது சமூக வலைத்தளங்களில் பகிர்ந்து கொண்டார்.
Happy married life my dear Kanmani @iKeerthiPandian ♥️and welcome to our family our dearest Maapilai @AshokSelvan ???? pic.twitter.com/dvXXkJe3ma
— Ramya Pandian (@iamramyapandian) September 13, 2023
தற்போது, கீர்த்தி பாண்டியன் மற்றும் அசோக் செல்வன் ஆகியோர் இயக்குனர் பா.ரஞ்சித் தயாரிப்பில் ‘புளூ ஸ்டார்’ என்ற படத்தில் நடித்து வருகிறார்கள். கிரிக்கெட் விளையாட்டை மையமாக வைத்து இப்படம் உருவாகியுள்ளது. மேலும், இந்த படத்தில் சாந்தனு பாக்யராஜ் மற்றும் பிருத்வி பாண்டியராஜன் ஆகியோர் நடிக்கின்றனர்.
கீர்த்தி பாண்டியன் பழம்பெரும் நடிகரும் தயாரிப்பாளருமான அருண்பாண்டியனின் இளைய மகள் ஆவார். இவர் ‘அன்பிற்கிணியால்’ போன்ற படங்களில் தனது நடிப்பு திறமையை வெளிப்படுத்தி தற்போது சில படங்களில் கதாநாயகியாக நடித்து வருகிறார்.
‘சூது கவ்வும்’ படத்தின் மூலம் நடிகராக அறிமுகமான அசோக் செல்வன், இதைத் தொடர்ந்து ‘பீட்சா 2 வில்லா’, தெகிடி, சவாலே சமாளி, 144, மன்மத லீலை, ஹாஸ்டல், ஓ மை காட், போர்த்தொழில் என பல படங்களில் நடித்தார்.
