உலகநாயகன் – பா.ரஞ்சித் கூட்டணி நடைபெறுமா?! இருவரது பட வரிசையும் ரெம்ப பெருசா இருக்கே?!

கமல்ஹாசன், விக்ரம், மகேஷ் நாராயணன் திரைப்படம், இந்தியன்-2 முடித்துவிட்டு வருவதற்கும், பா.ரஞ்சித், நட்சத்திரங்கள் நகர்கின்றன, விக்ரம்61 திரைப்படங்கள் முடித்துவிட்டு வருவதற்கும் சரியாக இருந்தால் உலகநாயகன் – கமல்ஹாசன் கூட்டணி நடைபெறும் என கூறப்படுகிறது.

உலகநாயகன் கமல்ஹாசன் அண்மையில், சார்பட்டா பரம்பரை ரிலீஸ் ஆன சமயத்தில் படத்தின் இயக்குனர் டெக்னீசியன்கள் நடிகர்கள் என அனைவரையும் கூப்பிட்டு பாராட்டினார். அந்த சமயமே இயக்குனர் பா.ரஞ்சித் கமலுக்கு கதை கூறியதாக தெரிகிறது. அப்போதே அந்த கதையை டெவலப் செய்து விட்டு வாருங்கள் நாம் சேர்ந்து படம் செய்யலாம் என உலகநாயகன் கூறியிருந்தாராம்.

அதன் பின்னர் அண்மையில், உலகநாயகன் பிறந்தநாளை முன்னிட்டு மீண்டும் பா.ரஞ்சித் – கமல்ஹாசன் சந்திப்பு நிகழ்ந்தது. அப்போது இந்த கூட்டணி இணைவது ஏறக்குறைய உறுதியானது.

உலகநாயகன் கமல்ஹாசன் தற்போது லோகேஷ் கனகராஜ் இயக்கத்தில் விக்ரம் பட ஷூட்டிங்கில் இருக்கிறார். அதற்கடுத்து, ஷங்கருக்கு தெலுங்கு படத்தில் இருந்து இடைவெளி கிடைத்தால் விக்ரம் பட ஷூட்டிங் முடிந்ததும் இந்தியன்-2 முடிக்க திட்டமிட்டுள்ளார்.

அதற்கடுத்து, மலையாள இயக்குனர் மகேஷ் நாராயணன் இயக்கத்தில் ஒரு புதிய படமும், அதற்கடுத்து தான் பா ரஞ்சித் படம் நடைபெறும் என எதிர்பார்க்கப்படுகிறது.

அதே போல, பா.ரஞ்சித் தற்போது நட்சித்திரங்கள் நகர்கின்றன எனும் காதல் படம் எடுத்து வருகிறார். சில நாட்களில் அந்த பட ஷூட்டிங் முடிந்துவிடும். அதற்கடுத்து விக்ரமின் 61வது திரைப்படத்தை இயக்க உள்ளார். அதற்கடுத்து தான் கமல்ஹாசனை இயக்க திட்டமிட்டுள்ளாராம்.