சென்னை : ஜனநாயகன் திரைப்படத்தை திரையரங்குகளில் வெளியான சிறிது நாட்களிலேயே இணையதளத்தில் சட்டவிரோதமாக பதிவேற்றி, பிரதிகளை வெளியிட்ட வழக்கில் கைது செய்யப்பட்ட ஒன்பது பேரின் ஜாமின் மனுக்களை சென்னை முதன்மை அமர்வு நீதிமன்றம் தள்ளுபடி செய்து உத்தரவிட்டுள்ளது.
நீதிபதி எஸ்.கார்த்திகேயன், “குற்றச்சாட்டுகளின் தீவிரத்தையும், புலன் விசாரணையின் தற்போதைய நிலையையும் கருத்தில் கொண்டு இந்த ஜாமின் மனுக்களை தள்ளுபடி செய்கிறேன்” என்று தீர்ப்பளித்தார். இந்த வழக்கு திரைப்படத் தொழிலுக்கு பெரும் பாதிப்பை ஏற்படுத்திய சம்பவமாகக் கருதப்படுகிறது. ‘ஜனநாயகன்’ திரையரங்குகளில் வெளியாவதற்கு முன்னதாகவே இணையத்தில் சட்டவிரோதமாக பதிவேற்றப்பட்டு, பல இடங்களில் வெளியிடப்பட்டன. இதனால் தயாரிப்பாளருக்கு கணிசமான நிதி இழப்பு ஏற்பட்டதாகக் கூறப்படுகிறது.
வழக்கில் கைது செய்யப்பட்ட 9 பேரும் ஜாமீன் கோரி மனு தாக்கல் செய்திருந்தனர். இந்த மனுக்களை விசாரித்த நீதிமன்றம், குற்றம் தொடர்பான முக்கிய ஆதாரங்களை சேகரிக்கும் புலன் விசாரணை இன்னும் முழுமையடையாத நிலையில் ஜாமீன் வழங்க முடியாது என்று தீர்மானித்தது.
நீதிமன்றத்தின் இந்த உத்தரவு, திரைப்படங்களை சட்டவிரோதமாக இணையத்தில் பதிவேற்றம் செய்து வெளியிடும் வழக்குகளில் கடுமையான நிலைப்பாட்டை எடுக்கும் போக்கை மேலும் வலுப்படுத்தியுள்ளது.