Red Cart: தனுஷ் முதல் விஷால் வரை நடிகர்களுக்கு ரெட் கார்டு – திரைப்பட தயாரிப்பாளர் சங்கம் அதிரடி!

அண்மையில், திரைப்பட தயாரிப்பாளர்களுக்கு முறையான ஒத்துழைப்பு வழங்காத நிலையில், தனுஷ், சிம்பு, விஷால், அதர்வா உட்பட சில நடிகர்களுக்கு விளக்கம் கேட்டு நோட்டீஸ் அனுப்ப தமிழ் திரைப்பட தயாரிப்பாளர்கள் சங்கம் முடிவு எடுத்துள்ளதாக ஒரு தகவல் பரவி வந்தது.

இந்நிலையில், சென்னை அண்ணா சாலையில், தமிழ் திரைப்பட தயாரிப்பாளர் சங்கத்தின் செயற்குழு கூட்டம் நேற்று நடைபெற்ற நிலையில், இந்த கூட்டத்தில் பல்வேறு விஷயங்கள் குறித்த பேசப்பட்டிருக்கிறது. இதில் முக்கியமாக, நடிகர்கள் தனுஷ், சிம்பு, விஷால், அதர்வாவுக்கு ரெட் கார்டு வழங்க தமிழ் திரைப்பட தயாரிப்பாளர் சங்க கூட்டத்தில் முடிவு செய்துள்ளதாக கூறப்படுகிறது.

அதாவது, தயாரிப்பாளர் சங்க தலைவராக இருந்த போது, பணத்தை முறையாக கையாளாததால் நடிகர் விஷாலுக்கும், சிம்பு மீது ஏற்கனவே பல புகார்கள் இருந்த நிலையில், அதற்கான பேச்சுவார்த்தைகள் முடிவுபெறததால் நடிகர் சிம்புவுக்கும் ரெட் கார்டு வழங்கவுள்ளதாக தயாரிப்பாளர் சங்கம் முடிவு செய்துள்ளது.

சமீபத்தில், தமிழ்நாடு தயாரிப்பாளர் சங்கம், என் ராமசாமி தலைமையில், பொதுக்குழு கூட்டம் ஒன்று நடைபெற்றது. அப்போது, நடிகர் சிம்பு, தனுஷ் விஷால், எஸ்.ஜே.சூர்யா, யோகி பாபு உட்பட சில நடிகர்கள் மீது குற்றசாட்டுகள் வைக்கப்பட்டது குறிப்பிடத்தக்கது.