ச்ச…ச்ச… இருக்காது.! கேம் ஆப் த்ரோன்ஸ் போஸ்டரை காப்பியடித்த லியோ படக்குழு.?

லோகேஷ் கனகராஜ் இயக்கத்தில் தளபதி விஜய் நடித்துள்ள ‘லியோ’ படம் பெரிய எதிர்பார்ப்பை ஏற்படுத்தியுள்ளது. அவரது பிறந்தநாளை முன்னிட்டு இப்படத்தின் ஃபர்ஸ்ட் லுக் போஸ்டர் வெளியிடப்பட்டது. ஃபர்ஸ்ட் லுக் போஸ்டர் வைரலானாலும், சில நெட்டிசன்கள் அதை பிரபல ஆங்கில தொடரான கேம் ஆப் த்ரோன்ஸ் போஸ்டருடன் உடன் ஒப்பிட்டு வைரலாக்கி வருகின்றனர்.

ட்விட்டரில் உள்ள சில திரைப்பட ஆர்வலர்கள் லியோ மற்றும் கேம் ஆஃப் த்ரோன்ஸ் தொடரில் ஜான் ஸ்னோ கேரட்டரின் போஸ்டரரை ஒப்பிட்டு பதிவிட்டுள்ளனர். மேலும், அந்த போஸ்டர்களும் ஒரே பின்னணியை கொண்டுள்ளது. ஆம், லியோ போஸ்டரில் தளபதி விஜய் தனது  ஒரு ஆக்‌ஷன் ஹீரோ அவதாரத்தில் காணப்பட்டார், கையில் ரத்தம் தடவிய ஸ்லெட்ஜ்ஹாம்மருடன் அவருக்குப் பின்னால் ஓநாய் இருக்கிறது.

லியோ படத்தின் முதல் சிங்கிள் நா ரெடி இன்று மாலை 6.30 மணிகி வெளியாக உள்ளது. இசையமைப்பாளர் அனிருத் ரவிச்சந்தர் மற்றும் விஜய்யின் குரலில் தாறுமாறாக அமைந்துள்ள பாடல் ரசிகர்களை பெரிதும் குஷிப்படுத்தியுள்ளது. உடனே, இது காப்பியடிக்கப்பட்டதா என்று கருத்துக்கள் எழுந்தது. சில முக்கிய நடிகர்கள் படங்கள் வெளிவரும் போது, இது போன்ற நெகடிவ் கருத்துக்கள் வெளியாவது வழக்கம் தான்.

படத்தை 7 ஸ்க்ரீன் நிறுவனம் தயாரிக்க படத்திற்கு இசையமைப்பாளர் அனிருத் இசையமைத்து வருகிறார் என்பது குறிப்பிடத்தக்கது. இப்படம் அக்டோபர் 19ஆம் தேதி வெளியாக உள்ளது.