ராஜஸ்தான் மாநிலம் பொக்ரான் பகுதியில் ஏவுகணை பயிற்சியின் போது ஏவுகணை விண்ணில் வெடித்து விபத்து ஏற்பட்டது.
ராஜஸ்தான் மாநிலம் ஜெய்சால்மர் மாவட்டத்தில் உள்ள பொக்ரான் எல்லையில் இந்திய ராணுவப் ஏவுகணை பிரிவினர் வழக்கமாக மேற்கொள்ளும் பயிற்சியினை மேற்கொண்டனர்.
வானில் வெடித்தது :
அப்போது, தவறுதலாக சோதனைக்காக ஏவப்பட்ட ஏவுகணையானது வானில் பறக்கும் போதே வெடித்தாக கூறப்படுகிறது. இதில் ஏவுகணையின் உடைந்த பாகங்கள் அருகில் உள்ள வயல் வெளிகளில் விழுந்துள்ளது என்றும் தகவல் வெளியாகியுள்ளது.
உயர் அதிகாரிகள் சோதனை :
இந்த சம்பவத்தில் யாருக்கும் எந்த பாதிப்பும் ஏற்படவில்லை என்றும், எந்த சொத்துக்களும் சேதமடையவில்லை என்றும் தகவல் வெளியாகியுள்ளது. இந்த விபத்து குறித்து உயர் ராணுவ அதிகாரிகள் விசாரணை செய்து வருகின்றனர்.