ஆந்திரா :ஸ்ரீகாகுளம் மாவட்டத்தில் உள்ள காசிபுகா நகரத்தில், ஸ்ரீ வெங்கடேஸ்வர சுவாமி கோயிலில் ஏற்கனவே திரண்டிருந்த பெருந்திரளான பக்தர்கள் இன்று (நவம்பர் 1, 2025) ஏகாதசி விழாவையொட்டி கோயிலுக்கு வந்தனர். இந்த கோயில், வெங்கடேஸ்வரரின் அருள் பெறுவதற்கான புனித இடமாக திகழ்கிறது, இதனால் பக்தர்கள் பெருந்திரளாக வந்தனர். ஆனால், கூட்டம் அதிகரித்ததால், கோயில் வாசலில் கூட்ட நெரிசல் ஏற்பட்டது.
இந்த நெரிசல், திடீரென்று கட்டுப்பாட்டை மீறி, பக்தர்கள் ஒருவரையொருவர் தள்ளி, அடிக்கடி மோதி, பயங்கரமான நிலை உருவானது. எனவே, இந்த கூட்ட நெரிசல் சம்பவத்தில் குறைந்தது 9 பேர் உயிரிழந்தும், பலர் காயமடைந்த நிலையில்ம் இச்சம்பவம் பெரும் சோகத்தை ஏற்படுத்தியுள்ளது. சம்பவத்தின் தருணம், கோயில் வாசல் மற்றும் சுற்றுப்புறத்தில் பக்தர்கள் தரையில் விழுந்து கிடந்த காட்சிகள், அப்பகுதியை துயரத்தில் ஆழ்த்தியது.சம்பவம் நடந்தவுடன், உள்ளூர் காவல்துறை, தீயணைப்பு படை மற்றும் மருத்துவக் குழுக்கள் துரிதமாக சம்பவ இடத்திற்கு விரைந்தன.
மேலும், இந்த நெரிசல் சம்பவத்தில் காயமடைந்த பக்தர்களை அருகிலுள்ள மருத்துவமனைகளுக்கு அனுப்பி, சிகிச்சை அளிக்கப்பட்டது. ஆந்திர முதல்வர் நந்திராம்பாபு நாயுடு, சம்பவத்தை அறிந்தவுடன் அதிர்ச்சி தெரிவித்து, உயிரிழந்தவர்களின் குடும்பங்களுக்கு ஆழ்ந்த துயரம் தெரிவித்தார். அவர், “இந்த துயரமான சம்பவம் நம்னெல்லையும் அதிர்ச்சியளிக்கிறது. உயிரிழந்தவர்களுக்கு என் ஆழ்ந்த இரங்கல். காயமடைந்தவர்களுக்கு விரைவான சிகிச்சை அளிக்க உத்தரவு” என்று அறிவுறுத்தினார்.
உள்ளூர் அமைச்சர் கே.அட்சானைடு, கோயில் நிர்வாகத்துடன் சந்தித்து சூழலை புரிந்துகொண்டார். மேலும் காவல்துறை வலுப்படுத்தப்பட்டு, கூட்டத்தை கட்டுப்படுத்தி, உதவி நடவடிக்கைகள் தொடங்கப்பட்டுள்ளன. ஸ்ரீகாகுளம் மாவட்டத்தில், கோயில் சுற்றுப்புறத்தில் போக்குவரத்து கட்டுப்பாடு, கூட்ட நிர்வாகம், அவசர உதவி ஏற்பாடுகள் போன்றவை போதுமானதாக இல்லாததால் இந்த ஏமாற்றம் ஏற்பட்டது என அதிகாரிகள் கூறுகின்றனர். உயிரிழப்பு எண்ணிக்கை மேலும் அதிகரிக்க வாய்ப்புள்ளதாகவும், காயமடைந்த 20-க்கும் மேற்பட்டோர் மருத்துவமனைகளில் சிகிச்சையில் உள்ளதாகவும் தெரிவிக்கப்பட்டுள்ளது. அரசு, உயிரிழந்தவர்களுக்கு ரூ.5 லட்சம் நிதி உதவி அறிவித்துள்ளது என்பதும் குறிப்பிடத்தக்கது.