புகழ்பெற்ற பின்னணிப் பாடகர் டி.எம்.சௌந்தரராஜன் நூற்றாண்டு விழாவை ஒட்டி, சென்னை மந்தைவெளியில் அவர் வாழ்ந்த வீடு அமைந்த சாலைக்கு ‘டி.எம். சௌந்தரராஜன் சாலை’ என்ற பெயரை முதல்வர் மு.க.ஸ்டாலின் சூட்டுகிறார்.
இந்த நிகழ்ச்சி வரும் மார்ச் 24-ஆம் தேதி சென்னையில் பிரமாண்டமாக நடைபெறவுள்ளது. மேலும், இந்நிகழ்ச்சியில் டி.எம்.சௌந்தரராஜன் பாடிய பாடல்களை நினைவுகூரும் வகையில் இன்னிசைக் கச்சேரியும் நடக்கவுள்ளது.
பாடகர் டி.எம்.சௌந்தர்ராஜன். காதல், தத்துவம், சோகம், துள்ளல் என எல்லா வகை உணர்வுகளில் 10,000-க்கும் மேற்பட்ட பல ஹிட் பாடல்களை பாடியுள்ளார். இதில் சுமார் 3,000 பக்திப் பாடல்கள், அரசியல் கட்சிகளின் கொள்கைகளை உயர்த்திப் பிடித்த பாடல்கள் என 40 ஆண்டுகளாக சினிமா துறையில் இருந்து வந்தவர். இவர் கடந்த 2013-ஆம் ஆண்டு காலமானார் என்பது குறிப்பிடதக்கது.