சென்னை : தமிழக முதலமைச்சரும், தவெக தலைவருமான சி. ஜோசப் விஜய் மற்றும் அவரது மனைவி சங்கீதா ஆகியோருக்கு இடையே நிலுவையில் இருந்து வரும் விவாகரத்து வழக்கு, செங்கல்பட்டு குடும்ப நல நீதிமன்றத்தால் வருகிற ஆகஸ்ட் 7-ஆம் தேதிக்கு அதிரடியாக ஒத்திவைக்கப்பட்டுள்ளது.
முன்னதாக, சங்கீதா தரப்பில் கடந்த பிப்ரவரி 24-ஆம் தேதி விவாகரத்து கோரி நீதிமன்றத்தில் அதிகாரப்பூர்வமாக மனுத் தாக்கல் செய்யப்பட்டிருந்தது.
இந்த மனுவை ஏற்கனவே பரிசீலனைக்கு எடுத்துக்கொண்ட செங்கல்பட்டு குடும்ப நல நீதிமன்றம், "ஜூன் 15-ஆம் தேதியான இன்று விஜய் மற்றும் சங்கீதா ஆகிய இருவரும் நீதிமன்றத்தில் கட்டாயம் நேரில் ஆஜராக வேண்டும்" என்று அதிரடி உத்தரவு பிறப்பித்திருந்தது.
தங்கள் தரப்பு விவாகரத்து வழக்கு விசாரணைக்காக நீதிமன்றத்தில் நேரில் ஆஜராவதில் இருக்கும் நடைமுறைச் சிக்கல்கள் மற்றும் பாதுகாப்பு காரணங்களைக் கருதி, "காணொலி வாயிலாக (Video Conference) ஆஜராகி விளக்கமளிக்க அனுமதி அளிக்க வேண்டும்" என்று முதலமைச்சர் விஜய் மற்றும் சங்கீதா தரப்பில் நீதிமன்றத்தில் கோரிக்கை விடுக்கப்பட்டிருந்தது.
ஆனால், இவர்களது இந்த கோரிக்கையைச் செங்கல்பட்டு குடும்ப நல நீதிமன்றம் தற்பொழுது அதிரடியாக நிராகரித்துள்ளது.
காணொலி வாயிலாக விசாரணையில் பங்கேற்பதற்கான முறையான வழிமுறைகளைப் பின்பற்றவில்லை எனக் குறிப்பிட்ட நீதிமன்றம், இந்த வீடியோ கான்பிரன்ஸ் விசாரணைக்குத் தேவையான மின்னஞ்சல் முகவரி (Email ID) உள்ளிட்ட முதன்மை ஆவணங்களை நீதிமன்றத்தில் இன்னும் முறையாகச் சமர்ப்பிக்கவில்லை எனச் சுட்டிக்காட்டியுள்ளது.
எனவே, அதற்குரிய ஆவணங்களை உடனடியாகவும் முறையாகவும் நீதிமன்றத்தில் சமர்ப்பிக்குமாறு இருதரப்பிற்கும் நீதிமன்றம் அறிவுறுத்தியுள்ளது.
இதன் காரணமாகவே, இன்று (ஜூன் 15) நடைபெறவிருந்த இந்த விவாகரத்து வழக்கின் அடுத்தகட்ட விசாரணை, வருகிற ஆகஸ்ட் 7-ஆம் தேதிக்கு ஒத்திவைக்கப்பட்டுள்ளது என்பது குறிப்பிடத்தக்கது. இந்த புதிய அதிரடி திருப்பம் அரசியல் மற்றும் ஊடக வட்டாரங்களில் தற்பொழுது கூடுதல் விவாதப் பொருளாக மாறியுள்ளது.