தூத்துக்குடி :நாளை இரவு 9.47 மணி முதல் திங்கள் அதிகாலை 1.31 மணி வரை சந்திரகிரகணம் நிகழ்கிறது.இதன் காரணமாக, தமிழகத்தில் உள்ள முக்கிய கோயில்களில் நாளை மாலை முதலே நடை சாத்தப்படுகிறது. பக்தர்கள் கிரகண நேரம் முடிந்த பிறகே தரிசனம் செய்ய முடியும்.
ஆம், அந்த வகையில் நாளை (செப்டம்பர் 7) நிகழவுள்ள பகுதி சந்திர கிரகணத்தை முன்னிட்டு, திருச்செந்தூர் அருள்மிகு சுப்பிரமணிய சுவாமி கோயிலில் பக்தர்களுக்கு முக்கிய அறிவிப்பு வெளியாகியுள்ளது. கிரகணம் இரவு 9:57 மணி முதல் 1:26 மணி வரை நிகழ உள்ளதால், கோயில் நிர்வாகம் பக்தர்களுக்கு பிற்பகல் 2 மணி வரை மட்டுமே தரிசனத்திற்கு அனுமதி அளிக்கப்படும் என்று அறிவித்துள்ளது.
கிரகண காலத்தில், மத நம்பிக்கைகளின்படி, கோயில்கள் பொதுவாக நடை சாத்தப்படும், எனவே பக்தர்கள் இந்த நேரத்தில் கோயிலுக்கு செல்வதைத் தவிர்க்குமாறு அறிவுறுத்தப்படுகிறார்கள். மறுநாள் (செப்டம்பர் 8) வழக்கம்போல் கோயில் நடை திறக்கப்பட்டு, பக்தர்கள் தரிசனத்திற்கு அனுமதிக்கப்படுவார்கள்.
பக்தர்கள் இந்த அறிவிப்பை கவனத்தில் கொண்டு, தங்கள் பயணத்தைத் திட்டமிடுமாறு கேட்டுக்கொள்ளப்படுகிறார்கள். மேலும் விவரங்களுக்கு, கோயில் நிர்வாகத்தின் அதிகாரப்பூர்வ அறிவிப்புகளைப் பார்க்கவும்.