தமிழகத்தில் பால் உற்பத்தியாளர்கள், கொள்முதல் விலையை உயர்த்த கோரி இன்று முதல் பால் உறுபதியாளர்கள் பால் விநியோகத்தை நிறுத்தி போராட்டத்தில் ஈடுபட்டு வருகின்றனர்.
தமிழ்நாட்டில் உள்ள பால் உறுபதியாளர் சங்கம் மூலம் விவசாயிகளிடம் இருந்து பால் கொள்முதல் செய்ப்பட்டு அதனை அரசு , ஆவின் நிறுவனம் மூலம் பொதுமக்களுக்கு விநியோகம் செய்யும் .
பேச்சுவார்த்தை :
அரசு கொள்முதல் செய்யும் பால் விலை தங்களுக்கு போதுமானதாக இல்லை என பால் உற்பத்தியாளர் கூட்டுறவு சங்கத்தினர் தொடர் கோரிக்கை வைத்து வந்தனர். நேற்று தலைமை செயலகத்தில் பால்வளத்துறை அமைச்சர் உடன் பேச்சுவார்த்தை நடத்தினர்.
பால் விநியோகம் நிறுத்தம் :
இந்த பேச்சுவார்த்தையில் கூட்டுறவு சங்கத்தினர் கூறிய 7 ரூபாய் கொள்முதல் விலை உயர்வு எனும் கோரிக்கையை அரசு ஏற்கவில்லை என தெரிகிறது . இதனை தொடர்ந்து இன்று முதல் பால் விநியோகம் செய்யப்போவதில்லை என கூட்டுறவு சங்கத்தினர் அறிவித்தனர்.
பால் தட்டுப்பாடு :
அதன் படி இன்று முதல் பால் விநியோகத்தை நிறுத்தி பால் உற்பத்தியாளர் கூட்டுறவு சங்கத்தினர் போராட்டத்தை தொடங்கியுள்ளனர். இன்று விநியோகப்பட வேண்டிய பால் நேற்று கொள்முதல் செய்யப்பட்டிருக்கும் ஆதலால், நாளை முதல் தமிழகத்தில் பால் விநியோகம் பாதிக்கப்படும் என தெரிகிறது.