சென்னை : நேற்று தங்கம் விலை கணிசமாகக் குறைந்திருந்த நிலையில், வார இறுதி நாளான இன்று (ஜூலை 18) நகைப்பிரியர்களுக்கு அதிர்ச்சியளிக்கும் வகையில் தங்கம் விலை மீண்டும் அதிரடியாக உயர்ந்துள்ளது.
சென்னையில் ஆபரணத் தங்கம் விலை, சவரனுக்கு ரூ. 280 உயர்ந்து ரூ. 1,05,080-க்கு விற்பனை செய்யப்படுகிறது. அதேபோல, ஒரு கிராம் 22 காரட் தங்கத்தின் விலை ரூ. 35 உயர்ந்து ரூ. 13,135-ஆக உள்ளது.
22 காரட் தங்கத்தைப் போலவே, 18 காரட் தங்கத்தின் விலையிலும் உயர்வு காணப்படுகிறது. ஒரு கிராம் 18 காரட் தங்கம் ரூ. 30 உயர்ந்து ரூ. 10,950-க்கும், ஒரு சவரன் ரூ. 240 உயர்ந்து ரூ. 87,600-க்கும் விற்பனை செய்யப்படுகிறது.
நேற்று விலை குறைந்திருந்ததால் நகை வாங்கத் திட்டமிட்டிருந்த வாடிக்கையாளர்களுக்கு, இன்றைய இந்த திடீர் விலை உயர்வு ஒரு சிறிய ஏமாற்றத்தைத் தந்துள்ளது. தங்கச் சந்தையில் நிலவும் இந்தத் தொடர்ச்சியான விலை மாற்றங்கள், நகை முதலீட்டாளர்கள் மற்றும் நுகர்வோர் மத்தியில் பெரும் கவனத்தைப் பெற்றுள்ளது.