வங்கதேசம் :வங்கதேசத்தில் கடந்த ஆண்டு (2024) ஆகஸ்ட் மாதம் நடந்த மாணவர் கலவர போராட்டங்களின் போது, அப்போது ஆளும் அரசுக்கு எதிராக போராடியவர்களை கொலை செய்ய உத்தரவிட்டதாக வங்கதேச முன்னாள் பிரதமர் ஷேக் ஹசீனா மீது குற்றச்சாட்டு வைக்கப்பட்டது. இதற்கான வழக்கு, சர்வதேச குற்றவாத தீர்ப்பாயம் (International Crimes Tribunal – ICT) முன் நடைபெற்றது. டாக்காவில் நடந்த விசாரணையில் ஷேக் ஹசீனா குற்றவாளி என தீர்ப்பு வழங்கப்பட்டது. இது அவர் தலைமையிலான அரசின் காலத்தில் ஏற்பட்ட மனித உரிமை மீறல்களுக்கான முதல் முக்கிய தீர்ப்பாக அமைந்துள்ளது.
ஹசீனா இந்தியாவில் தஞ்சமடைந்துள்ள நிலையில், இத்தீர்ப்பு இன்று (நவம்பர் 17) அறிவிக்கப்பட்டது, மேலும் தண்டனை விவரங்கள் விரைவில் வெளியாகும் என எதிர்பார்க்கப்படுகிறது.இந்த வழக்கு, 2024 ஜூலை-ஆகஸ்ட் மாதங்களில் வங்கதேசத்தில் நடந்த மாணவர் கலவரங்களை சுற்றியுள்ளது. ஷேக் ஹசீனாவின் 15 ஆண்டு ஆட்சியின் இறுதிப் பகுதியில், வேலைவாய்ப்பு ஒதுக்கீடு விரோத போராட்டங்கள் கலவரமாக மாறின. இதில் 1,400-க்கும் மேற்பட்டோர் கொல்லப்பட்டனர், ஆயிரக்கணக்கானோர் காயமடைந்தனர். ஹசீனா, போலீஸ் மற்றும் படைக்கு எதிர்ப்பாளர்களை துப்பாக்கிச் சூடு செய்ய உத்தரவிட்டதாக குற்றம் சாட்டப்பட்டது.
இந்த போராட்டங்கள் ஹசீனாவின் அரசை வீழ்த்தி, நோபல் பரிசு பெற்ற முஹம்மது யூனுஸ் தலைமையிலான இடைக்கால அரசு பொறுப்பேற்றது. ஹசீனா ஆகஸ்ட் 5 அன்று இந்தியாவுக்கு தப்பி வந்தார், அங்கு அவர் தஞ்சமடைந்துள்ளார்.விசாரணை இன்று (நவம்பர் 17) தொடங்கி, டாக்கா நீதிமன்றத்தில் ஹசீனா இல்லாமல் (in absentia) நடைபெற்றது. தீர்ப்பாயம், ஹசீனாவை மனித உரிமை குற்றச்சாட்டில் குற்றவாளி என அறிவித்தது. வழக்கில் 5 குற்றச்சாட்டுகள் உள்ளன.
தண்டனை விவரங்கள் (மரண தண்டனை அல்லது சிறை) விரைவில் அறிவிக்கப்படும், வழக்குதாரர் வாதங்களில் மரண தண்டனை கோரப்பட்டது.ஷேக் ஹசீனா, தன் மீதான குற்றச்சாட்டுகள் உண்மையல்ல என்று முன்பே கூறியிருந்தார். “இது அரசியல் பழிவாங்கல், நான் கவலைப்படவில்லை” என்று அவர் தெரிவித்தார். இதனையடுத்து இன்று தீர்ப்பு அவர் குற்றவாளியாக அறிவிக்கப்பட்டது. இந்தியா, ஹசீனாவின் நிலையை கவனித்து வருகிறது. தண்டனை விவரங்கள் வெளியான பிறகு, வங்கதேசத்தில் பதற்றம் அதிகரிக்கலாம்.