உலகப் பிரசித்தி பெற்ற முதலீட்டாளரும், பெர்க்ஷயர் ஹாத்வே நிறுவனத்தின் தலைவருமான வாரன் பஃபெட், டிசம்பர் 31, 2025 அன்று சிஇஓ பதவியில் இருந்து ஓய்வு பெற்றார். 95 வயதான பஃபெட், 1965-ல் இந்நிறுவனத்தின் சிஇஓவாகப் பொறுப்பேற்று 60 ஆண்டுகள் வழிநடத்தினார். வயது முதிர்வு காரணமாக ஓய்வு பெறுவதாக அறிவித்த அவர், நிறுவனத்தின் நிர்வாகத் தலைவராக (non-executive chairman) தொடர்வார் என்று நிறுவனம் தெரிவித்துள்ளது.
பஃபெட் பொறுப்பேற்றபோது பெர்க்ஷயர் ஹாத்வே ஜவுளித் தொழிலில் ஈடுபட்டு பெரும் நஷ்டத்தில் இருந்தது. அவரது தலைமையில் நிறுவனம் காப்பீடு, ரயில்வே, சாலை, எரிசக்தி, பிராண்டட் சேவைகள் போன்ற துறைகளில் முதலீடு செய்து வளர்ச்சி பெற்றது. இன்று நிறுவனத்தின் மொத்த மதிப்பு 900 பில்லியன் அமெரிக்க டாலர்களாக உள்ளது. பெர்க்ஷயர் பங்குகள் ஒன்று 7,50,000 டாலர்களுக்கு மேல் விற்பனையாகின்றன.
பஃபெட்டின் முதலீட்டுத் திறமைக்கு “பங்குச் சந்தையின் தந்தை” என்ற பெயர் கிடைத்தது. அவரது உத்திகள் உலக முதலீட்டாளர்களுக்கு வழிகாட்டியாக உள்ளன. நிறுவனத்தை நஷ்டத்தில் இருந்து லாபகரமானதாக மாற்றியதே அவரது மிகப்பெரிய சாதனை. பெர்க்ஷயர் ஹாத்வே இன்று உலகின் முன்னணி நிறுவனங்களில் ஒன்றாக உள்ளது.பஃபெட்டின் சொத்து மதிப்பு தற்போது 140 பில்லியன் அமெரிக்க டாலர்கள் (சுமார் 12 லட்சம் கோடி ரூபாய்) என்று மதிப்பிடப்பட்டுள்ளது. உலகின் பணக்காரர்கள் பட்டியலில் அவர் முன்னணியில் உள்ளார்.
ஆச்சரியமாக, அவர் தங்கத்தில் முதலீடு செய்யவில்லை. ஒருமுறை தங்கச் சுரங்க நிறுவனத்தில் முதலீடு செய்து 6 மாதங்களில் வெளியேறினார். தங்கம் வளர்ச்சி அளிக்காத சொத்து என்று அவர் கருதினார்.பஃபெட் ஓய்வு பெற்றாலும், அவரது முதலீட்டு உத்திகள் உலகெங்கும் பின்பற்றப்படுகின்றன. பெர்க்ஷயர் ஹாத்வே இப்போது அவரது வாரிசுகளின் தலைமையில் செயல்படத் தொடங்கியுள்ளது. அவரது ஓய்வு உலக முதலீட்டு சந்தையில் பெரும் தாக்கத்தை ஏற்படுத்தியுள்ளது. “பொறுமை, நீண்டகால முதலீடு” என்ற அவரது கொள்கை என்றும் நிலைத்திருக்கும்.