அண்ணா சாலையில் கருணாநிதி சிலை அமைக்கப்படும் என்று முதல்வர் ஸ்டாலின் அறிவித்துள்ளார்.
தமிழக சட்டப்பேரவையில் இன்று மாற்றுத் திறனாளிகள் நலத்துறை, வீட்டு வசதி மற்றும் நகர்ப்புற வளர்ச்சித்துறை, சமூக நலன் மற்றும் மகளிர் உரிமைத்துறை ஆகிய துறைகளின் மீதான மானிய கோரிக்கை குறித்து விவாதம் நடைபெற்று வருகிறது.
அதன்படி,நடைபெற்று வரும் விவாதத்தில் குடிசை மாற்று வாரியம் இனி “தமிழ்நாடு நகர்புற வாழ்விட மேம்பாட்டு வாரியம் ” என பெயர் மாற்றம் செய்யபட்டுள்ளது என சட்டப்பேரவையில் முதலமைச்சர் மு.க.ஸ்டாலின் அறிவித்தார்.
இந்நிலையில்,அண்ணா சாலையில் கருணாநிதி சிலை அமைக்கப்படும் என்று முதல்வர் ஸ்டாலின் சட்டப்பேரவையில் தற்போது அறிவித்துள்ளார்.மேலும்,இது தொடர்பாக முதல்வர் கூறுகையில்:
“அண்ணா சாலையில் ஏதாவது ஒரு இடத்தில் மறைந்த முன்னாள் முதல்வர் கருணாநிதி அவர்களுக்கு சிலை அமைக்கப்படும்.மேலும், சட்டவல்லுனர்களை ஆலோசித்து இந்த சிலை நிறுவப்படும்”,என்று தெரிவித்துள்ளார்.
திராவிட கழக தலைவர் வீரமணி உள்ளிட்டோர் கோரிக்கை வைத்த நிலையில் முதல்வர் ஸ்டாலின் இந்த அறிவிப்பை அறிவித்துள்ளார்.