பட்ஜெட் கூட்ட தொடரில் தொடர் அமளியில் ஈடுப்பட்டு அதிமுகவினர் சட்டப்பேரவையில் இருந்து வெளிநடப்பு செய்தனர்.
தமிழக பட்ஜெட் கூட்டத்தொடர் தற்போது நடைபெற்று வருகிறது. இந்த பட்ஜெட் கூட்ட தொடரில் நிதியமைச்சர் பழனிவேல் தியாகராஜன் 2023-2024 க்கான பட்ஜெட் உரையை வாசித்து வருகிறார்.
தொடர் அமளி :
பட்ஜெட் உரையை நிதியமைச்சர் வாசித்து கொண்டிருக்கும் போதே, அதிமுகவினர் தங்களை பேச அனுமதிக்க கோரி தொடர் அமளியில் ஈடுபட்டனர். இதனால் அதிமுகவினரை அமைதியாக இருக்க கோரி சபாநாயகர் அப்பாவு வலியுறுத்தினார்.
அதிமுக வெளிநடப்பு :
இருந்தும், தொடர் அமளியில் அதிமுக எம்எல்ஏக்கள் ஈடுபட்டதால், நிதியமைச்சர் உரை மட்டுமே அவைக்குறிப்பில் இடம் பெரும் என சபாநாயகர் அப்பாவு தெரிவித்தார். இதனை அடுத்து, அதிமுகவினர் சட்டப்பேரவையில் இருந்து வெளிநடப்பு செய்தனர்.