ஒரே நாளில் ஓய்வை அறிவித்த 2 அதிரடி வீரர்கள்.! எந்த போட்டியில் இருந்து தெரியுமா?

சர்வதேச கிரிக்கெட் போட்டிகளில் இருந்து ஓய்வு பெறுவதாக தென் ஆப்பிரிக்க வீரர் கிளாசன் அறிவித்துள்ளார்.

by கெளதம்Posted on June 2, 2025

பிரிட்டோரியா : இன்று ஜூன் 2 (திங்கட்கிழமை) ஒரே நாளில் கஹென்ரிச் கிளாசென் மற்றும் ஆஸ்திரேலிய ஆல்ரவுண்டர் க்ளென் மேக்ஸ்வெல்லும் விடைபெற்றார். இந்த திடீர் முடிவு இரு வீரர்களின் ரசிகர்களுக்கு அதிர்ச்சியை ஏற்படுத்தியுள்ளது.

சர்வதேச ஒரு நாள் கிரிக்கெட் போட்டியில் இருந்து ஆஸ்திரேலிய நட்சத்திர வீரர் கிளென் மேக்ஸ்வெல் ஓய்வு பெறுவதாக அறிவித்துள்ளார். 149 ஒருநாள் போட்டிகளில் விளையாடியுள்ள அவர், 3990 ரன்கள் மற்றும் 77 விக்கெட்டை வீழ்த்தியுள்ளார். மேலும், தென்னாப்ரிக்க கிரிக்கெட் அணியின் அதிரடி ஆட்டக்காரரான ஹென்ரிச் கிளாசென் அனைத்து விதமான சர்வதேச கிரிக்கெட் போட்டிகளில் இருந்து ஓய்வு பெறுவதாக அறிவித்துள்ளார்.

33 வயதான கிளாசென், ஐபிஎல் உள்ளிட்ட உள்ளூர் தொடர்களில் மட்டுமே விளையாட உள்ளார். ஐபிஎல் தொடரில் ஹைதராபாத் அணியில் விளையாடி வரும் அவர், அண்மையில் அதிவேக (37 பந்துகளில்) சதமடித்து அசத்தி இருந்தார். கிளாசென் ஜனவரி 2024 இல் டெஸ்ட் கிரிக்கெட்டிலிருந்து ஓய்வு பெற்றார்.

ஹென்ரிச் கிளாசென்

வலது கை பேட்ஸ்மேன் ஹென்ரிச் கிளாசென் பிப்ரவரி 2018 இல் இந்தியாவுக்கு எதிராக ஒருநாள் மற்றும் டி20 போட்டிகளில் அறிமுகமானார். அதே நேரத்தில், அவரது டெஸ்ட் அறிமுகமும் 2019 ஆம் ஆண்டு ராஞ்சியில் இந்தியாவுக்கு எதிராக நடந்தது. கிளாசென் இதுவரை தென்னாப்பிரிக்காவுக்காக 4 டெஸ்ட், 60 ஒருநாள் மற்றும் 58 டி20 போட்டிகளில் விளையாடியுள்ளார்.

டெஸ்ட் கிரிக்கெட்டில், ஹென்ரிச் கிளாசென் 13.00 சராசரியாக 104 ரன்கள் எடுத்தார். அதே நேரத்தில், அவரது பேட் ஒருநாள் சர்வதேசப் போட்டியில் 2141 ரன்களை எடுத்துள்ளார், அதில் 4 சதங்கள் மற்றும் 11 அரைசதங்கள் அடங்கும்.

மேலும், டி20 போட்டிகளில் 23.25 சராசரியாகவும் 141.84 ஸ்ட்ரைக் ரேட்டுடனும் 1000 ரன்களை எடுத்துள்ளார், 5 அரைசதங்களை அடித்தார். தற்பொழுது, கிளாசென் இந்தியன் பிரீமியர் லீக்கில் (ஐபிஎல்) சன்ரைசர்ஸ் ஹைதராபாத் (SRH) அணியின் வீரர்களில் ஒருவராக உள்ளார்.

கிளென் மேக்ஸ்வெல்

மேக்ஸ்வெல் 2015 மற்றும் 2023 ஆம் ஆண்டுகளில் ஆஸ்திரேலியாவின் உலகக் கோப்பை வென்ற அணியிலும் ஒரு பகுதியாக இருந்தார். 2012 முதல் 2025 வரையிலான தனது 13 ஆண்டுகால ஒருநாள் கிரிக்கெட் வாழ்க்கையில், 149 ஒருநாள் போட்டிகளில் 3990 ரன்கள் எடுத்து 77 விக்கெட்டுகளை வீழ்த்தினார். ஒருநாள் போட்டிகளில், அவர் சராசரியாக 33.81 மற்றும் ஸ்ட்ரைக் ரேட் 126.70 ஆக ஸ்கோர் செய்தார்.