உலக டெஸ்ட் சாம்பியன்ஷிப் இறுதிப்போட்டியில் இந்தியா மற்றும் ஆஸ்திரேலிய அணிகள் லண்டன் ஓவல் மைதானத்தில் விளையாடி வருகின்றன. இதில் டாஸ் வென்ற இந்திய அணி ஆஸ்திரேலியாவுக்கு எதிராக முதலில் பந்துவீச்சு தேர்வு செய்தது.
இதன்படி, முதலில் பேட்டிங் செய்த ஆஸ்திரேலிய அணி, 85 ஓவர்கள் முடிவில் 3 விக்கெட்டுகளை இழந்து 327 ரன்கள் குவிக்க, முதல் நாள் ஆட்டம் முடிவடைந்தது. இதில் டிராவிஸ் ஹெட் 146* ரன்களுடனும், ஸ்டீவன் ஸ்மித் 95* ரன்களுடனும் களத்தில் உள்ளனர். இந்திய அணியில் முகமது ஷமி, முகமது சிராஜ், ஷர்துல் தாக்கூர் தலா 1 விக்கெட்டை வீழ்த்தியுள்ளனர்.
இந்திய அணி:
ரோஹித் சர்மா(C), ஷுப்மன் கில், சேதேஷ்வர் புஜாரா, விராட் கோலி, அஜிங்க்யா ரஹானே, ஸ்ரீகர் பாரத்(W), ரவீந்திர ஜடேஜா, ஷர்துல் தாக்கூர், உமேஷ் யாதவ், முகமது ஷமி, முகமது சிராஜ்
ஆஸ்திரேலிய அணி:
டேவிட் வார்னர், உஸ்மான் கவாஜா, மார்னஸ் லாபுசாக்னே, ஸ்டீவன் ஸ்மித், டிராவிஸ் ஹெட், கேமரூன் கிரீன், அலெக்ஸ் கேரி(W), பாட் கம்மின்ஸ்(C), மிட்செல் ஸ்டார்க், நாதன் லியான், ஸ்காட் போலண்ட்