மும்பை :இந்திய மகளிர் கிரிக்கெட் அணி, 2025 ICC மகளிர் ODI உலகக் கோப்பை இறுதியில் தென்னாப்பிரிக்காவை 52 ரன்கள் வித்தியாசத்தில் வீழ்த்தி, முதல் முறையாக சாம்பியன் பட்டத்தை வென்றது. நவி மும்பை டி.வை. பட்சில் ஸ்டேடியத்தில் நவம்பர் 2 அன்று நடைபெற்ற இந்தப் போட்டியில், இந்தியா 50 ஓவர்களில் 7 விக்கெட்டுகளுக்கு 298 ரன்கள் குவித்தது. தென்னாப்பிரிக்கா 45.3 ஓவர்களில் 246 ரன்களுக்கு ஆட்டமிழந்தது. கேப்டன் ஹர்மான்ப்ரீத் கவுர் கடைசி கேட்சைப் பிடித்து வெற்றியை உறுதி செய்தார், இது அணியின் உணர்ச்சிகரமான கொண்டாட்டத்தை ஏற்படுத்தியது.
2005 மற்றும் 2017 இறுதிகளில் தோல்வியடைந்த இந்தியா, இம்முறை வரலாறு படைத்தது. ஹித் ஷர்மா போட்டியை நேரில் பார்த்து, வெற்றி தருணத்தில் உணர்ச்சிவசப்பட்டு கண்ணீர் வடித்தார். 2023 உலகக் கோப்பை இறுதியில் தோல்வியடைந்த அனுபவம் கொண்ட ரோஹித், மகளிர் அணியின் வெற்றியை உருக்கமாகக் கொண்டாடினார். அவருடைய எமோஷனல் காட்சிகள் தான் இப்போது சமூக வலைத்தளங்களில் வைரலாகி வருகிறது.
unknown nodeBCCI செயலாளர் தேவஜித் சைக்கியா, வெற்றி அணிக்கு ரூ.51 கோடி பரிசு அறிவித்தார். “1983-ல் கபில் தேவ் உலகக் கோப்பையை வென்று புதிய யுகத்தைத் தொடங்கினார். இன்று ஹர்மான்ப்ரீத் மற்றும் அணி அதை மீண்டும் செய்துள்ளனர். அவர்கள் கோப்பையை மட்டும் வெல்லவில்லை, இந்தியர்களின் இதயங்களை வென்றுள்ளனர்” என்று அவர் பாராட்டினார். ஜெய் ஷா BCCI செயலாளராக இருந்தபோது (2019-2024) சம ஊதியம், பரிசுத்தொகை 300% உயர்வு (USD 2.88 மில்லியன் இருந்து USD 14 மில்லியன்) போன்ற மாற்றங்கள் கொண்டு வந்ததை அவர் நினைவுகூர்ந்தார்.
இது பெண்கள் கிரிக்கெட்டின் வளர்ச்சிக்கு பெரும் ஊக்கமாக அமைந்தது.இந்த வெற்றி, இந்திய மகளிர் கிரிக்கெட்டின் புதிய யுகத்தைத் தொடங்கியுள்ளது. ஆஸ்திரேலியாவின் 7 முறை ஆதிக்கத்தை முடிவுக்குக் கொண்டுவந்த இந்தியா, அரையிறுதியில் ஆஸ்திரேலியாவை வீழ்த்திய உற்சாகத்துடன் இறுதியில் தென்னாப்பிரிக்காவை வென்றது.
ஸ்மிருதி மந்தனா, ஷாஃபாலி வர்மா, ரிச்சா கோஷ் ஆகியோரின் பங்களிப்பு அணியை வலுப்படுத்தியது. ரசிகர்கள் கொண்டாட்டத்தில் மூழ்கினர், சமூக வலைதளங்களில் வெற்றி வீடியோக்கள் வைரலாக பரவிவரும் நிலையில், பலரும் வாழ்த்துக்களை தெரிவித்து வருகிறார்கள் என்பது குறிப்பிடத்தக்கது.