பெங்களூர் vs கொல்கத்தா போட்டியில் மழை வந்தால் அவ்வளவு தான்…எந்த அணி வெளியேறும் தெரியுமா?

பெங்களூர் : ஐபிஎல் 2025 சீசனின் லீக் கட்டம் உச்சகட்டத்தை எட்டியுள்ள நிலையில், மே 17, 2025 அன்று பெங்களூருவில் உள்ள எம். சின்னசாமி மைதானத்தில் ராயல் சேலஞ்சர்ஸ் பெங்களூரு (ஆர்சிபி) மற்றும் கொல்கத்தா நைட் ரைடர்ஸ் (கேகேஆர்) இடையே முக்கியமான போட்டி நடைபெற உள்ளது.

இந்தப் போட்டி மழையால் பாதிக்கப்பட வாய்ப்புள்ளதாக வானிலை முன்னறிவிப்பு தெரிவிக்கிறது. மே 9, 2025 அன்று இந்தியா-பாகிஸ்தான் எல்லைப் பதற்றம் காரணமாக சீசன் ஒரு வாரம் இடைநிறுத்தப்பட்டு, இன்று மீண்டும் தொடங்குகிறது. இந்தப் போட்டி ரத்தானால், பிளேஆஃப் செல்லும் கனவு முற்றிலுமாகவே கொல்கத்தா அணிக்கு போய்விடும் என்று கூறப்படுகிறது.

ஏனென்றால், ஐபிஎல் விதிகளின்படி, லீக் கட்டப் போட்டிகளுக்கு மாற்று நாள் இல்லை. எனவே, மழையால் போட்டி முற்றிலும் ரத்தானால், ஆர்சிபி மற்றும் கேகேஆர் அணிகளுக்கு தலா ஒரு புள்ளி வழங்கப்படும். ஆர்சிபி தற்போது 11 போட்டிகளில் 16 புள்ளிகளுடன் புள்ளிப்பட்டியலில் முதலிடத்தில் உள்ளது, ஆனால் குஜராத் டைட்டன்ஸுக்கு பின்னால் இரண்டாவது இடத்தில் உள்ளது. ஒரு புள்ளியுடன் ஆர்சிபி 17 புள்ளிகளைப் பெறும், இது அவர்களை பிளேஆஃப் பந்தயத்தில் களமிறங்கிவிடும்.

ஆனால், கேகேஆர் 12 போட்டிகளில் 11 புள்ளிகளுடன் இருப்பதால் இந்த போட்டி ஒருவேளை ரத்தானது என்றால் ஒரு புள்ளி மட்டுமே அவர்களுக்கு கிடைக்கும். இதனால் அவர்கள் 12 புள்ளிகளை பெறுவார்கள். இது பிளேஆஃப் உறுதி செய்ய போதுமானதாக இருக்காது. மேலும் ஒரு போட்டி மட்டுமே மீதமுள்ளது. இதனால், அவர்கள் அதிகபட்சமாக 14 புள்ளிகளை மட்டுமே எட்ட முடியும்.

தற்போதைய புள்ளிப்பட்டியலில் பஞ்சாப் கிங்ஸ் (15 புள்ளிகள்), மும்பை இந்தியன்ஸ் (14 புள்ளிகள்), மற்றும் டெல்லி கேப்பிடல்ஸ் (13 புள்ளிகள்) ஆகியவை கேகேஆரை விட முன்னிலையில் உள்ளன. 14 புள்ளிகள் பிளேஆஃப் உறுதி செய்ய போதுமானதாக இல்லை, ஏனெனில் ஐந்து அணிகள் 18 அல்லது அதற்கு மேல் புள்ளிகளைப் பெற வாய்ப்புள்ளது. எனவே, கேகேஆர் பிளேஆஃப் பந்தயத்திலிருந்து வெளியேறிவிடும். எனவே, இன்று மழை பெய்யாமல் போட்டியில் விளையாடி வெற்றிபெற்றால் மட்டும் தான் பிளே ஆஃப் செல்வதற்கான வாய்ப்பாவது கிடைக்கும்.