கமல்ஹாசன் தயாரிப்பில் சிவகார்த்திகேயன்.!? விஜய் சேதுபதிக்கு அடுத்து இவரா.?
கமல்ஹாசனின் சொந்த நிறுவனமான ராஜ்கமல் நிறுவனத்திற்கு ஒரு படம் நடித்து கொடுப்பதற்காக சிவகார்த்திகேயன் ஒப்பந்தம் செய்யப்பட்டுள்ளாராம்.
உலகநாயகன் கமல்ஹாசனின் சொந்த நிறுவனமான ராஜ்கமல் பிலிம்ஸ் நிறுவனம் கமலின் படங்களை தாண்டி அவ்வப்போது மற்ற நடிகர்களின் படங்களையும் தயாரித்து அல்லது வாங்கி வெளியிடும்,
கடைசியாக ராஜ்கமல் பிலிம்ஸ் நிறுவனம் தயாரிப்பில் விக்ரம் நடிப்பில் கடாரம் கொண்டான் திரைப்படம் வெளியாகி இருந்தது. தற்போது ராஜ்கமல் தயாரிப்பில் கமல்ஹாசன் நடிப்பில் விக்ரம் திரைப்படம் லோகேஷ் கனகராஜ் இயக்கத்தில் உருவாகி வருகிறது.
மக்கள் செல்வன் விஜய் சேதுபதி ராஜ்கமல் நிறுவனத்திற்கு ஒரு படம் நடித்துக்கொடுப்பதாக ஒப்பந்தம் செய்யப்பட்டுள்ளாராம். அதே போல அண்மையில், நடிகர் சிவகார்த்திகேயன் ராஜ்கமல் நிறுவனத்திற்கு ஒரு படம் நடித்துக்கொடுப்பதற்கு ஒப்பந்தம் செய்யப்பட்டாராம். இந்த இரு படங்கள் குறித்த அதிகாரபூர்வ அறிவிப்பு வெளியாகும் என எதிர்பார்க்கப்படுகிறது.
