அதிமுக செயற்குழு உறுப்பினர்கள் நியமனம் – தலைமை அறிவிப்பு

by பாலா கலியமூர்த்திPosted on April 29, 2022

அதிமுக செயற்குழு உறுப்பினர்களை நியமனம் செய்து கட்சியின் ஒருங்கிணைப்பாளர் ஓ.பன்னீர்செல்வம், இணை ஒருங்கிணைப்பாளர் எடப்பாடி பழனிசாமி ஆகியோர் அறிவித்துள்ளனர். அதன்படி, அதிமுக செயற்குழுவில் 80 பெண்கள் உறுப்பினர்களாக நியமனம் செய்யப்பட்டுள்ளது. இதனிடையே, அதிமுக உட்கட்சி தேர்தல் சமீபத்தில் நடைபெற்று முடிவடைந்துள்ள நிலையில், செயற்குழு பொதுக்குழு கூட்டம் மே மாதம் நடைபெற இருப்பதாக தகவல் வெளியாகியுள்ளது.

அதிமுகவில் ஒருங்கிணைப்பாளர், இணை ஒருங்கிணைப்பாளர் தேர்தலைத் தொடர்ந்து கீழ்மட்ட நிலைகள் வரை உள்ள அனைத்து பதவிகளுக்கான தேர்தல் நடைபெற்று முடிந்துள்ளது. மே மாதம் நடைபெற உள்ளதா தகவல் கூறப்படும் செயற்குழு பொதுக்குழு கூட்டத்தில், அதிமுக ஒற்றை தலைமை மற்றும் சசிகலா விவகாரம் தொடர்பாக முடிவெடுக்கப்படும் என எதிர்பார்க்கப்படுகிறது.