விண்வெளி நினைவு பரிசு., புத்தகங்கள்.! பரிசுகளை பரிமாறிக்கொண்ட பிரதமர் மோடி – மஸ்க்!

வாஷிங்டன் : பிரதமர் மோடி அமெரிக்க பயணத்தில் அதிபர் டொனால்ட் டிரம்ப் உள்ளிட்ட  உள்ளிட்ட முக்கிய அமெரிக்கா அரசு உயர் பொறுப்பில் இருப்பவர்களை சந்தித்தார். அதனை தொடர்ந்து, பன்னாட்டு தொழிலதிபரும், அமெரிக்காவின் அரசு செயல்துறையான DOGE அமைப்பை வழிநடத்தும் நபராகவும் உள்ள எலான் மஸ்க்கை பிரதமர் மோடி சந்தித்தார்.

இந்த சந்திப்பானது, வாஷிங்டன் பிளேர் ஹவுஸில் நடைபெற்றது. அப்போது மஸ்க் தனது 3 குழந்தைகளுடனும் பிரதமர் மோடியை சந்தித்தார். இந்த சந்திப்பின்போது மஸ்கின் நியுராலிங் (Neuralink ) நிறுவன மூத்த அதிகாரி ஷிவோன் ஜிலிஸும் உடன் இருந்தார். இதில், மஸ்கின் டெஸ்லா நிறுவனத்தை இந்தியாவில் விரிவுபடுத்துவது, தொழில்நுட்பம் , தனது ஸ்பேஸ் எக்ஸ் விண்வெளி துறை மற்றும் இந்தியாவில் அதிகரித்து வரும் விண்வெளி சார்ந்த ஆய்வுகள் குறித்தும் இச்சந்திப்பில் பேசப்பட்டது என தகவல்கள் வெளியாகியுள்ளது.

பரிசுப்பொருட்கள் பறிமாற்றம் :

இச்சந்திப்பின் போது, எலான் மஸ்க் மற்றும் பிரதமர் மோடி மாறி மாறி தங்களுக்குள் பரிசுகளை பரிமாறிக்கொண்டனர். எலான் மஸ்க் பிரதமர் மோடிக்கு வழங்கிய நினைவு பரிசானது ‘விண்வெளி நினைவு பரிசு’ என நெட்டிசன்களால் குறிப்பிடப்படுகிறது. அந்த நினைவு பாரிஸில், STARSHIP FLIGHT TEST 5 : OCTOBER 13, 2024 என எழுதப்பட்டுள்ளது. அதாவது, கடந்த ஆண்டு அக்டோபரில் நடைபெற்ற எலான் மஸ்க்கின் ஸ்பேஸ்எக்ஸ் நிறுவனம் மேற்கொண்ட 5வது விண்வெளி சோதனையின் போது இருந்த ஸ்டார்ஷிப் ராக்கெட்டின் ஒரு பகுதியாக உள்ள வெப்பக் கவச ஓடு என்று கூறப்படுகிறது.

அதேபோல, பிரதமர் மோடி, எலான் மஸ்க் மற்றும் அவரது குடும்பத்தினருக்கு புத்தகங்களை பரிசாக அளித்தார். அந்த புத்தக தொகுப்பில் ரவீந்திரநாத் தாகூரின் தி கிரசண்ட் மூன், தி கிரேட் ஆர்.கே. நாராயண் கலெக்ஷன் மற்றும் பண்டிட் விஷ்ணு சர்மாவின் பஞ்சதந்திரம் ஆகியவை இடம்பெற்று இருந்தன.

It was an honor to meet https://t.co/WqELdGiurP

— Elon Musk (@elonmusk) February 14, 2025