வங்கதேச தொடருக்கான மகளிர் அணியை வெளியிட்டது பிசிசிஐ!!

T20I Women series:வங்கதேசத்துக்கு எதிரான இந்திய மகளிர் அணியின் பட்டியலை பிசிசிஐ அறிவித்துள்ளது.

வங்கதேசத்துக்கு எதிரான மகளிர் டி20 போட்டிக்கான இந்திய மகளிர் அணியை இந்திய கிரிக்கெட் கட்டுப்பாட்டு வாரியம் (பிசிசிஐ) அறிவித்துள்ளது. ஏப்ரல் 28 ஆம் தேதி தொடங்கும் ஐந்து போட்டிகள் கொண்ட டி20 தொடரில் இரு அணிகளும் மோதுகின்றன.

அதன்படி, முதல் ஆட்டம் ஏப்ரல் 28 ஆம் தேதியும், இரண்டாவது ஆட்டம் 30 ஆம் தேதியும் நடைபெறும். மூன்றாவது ஆட்டம் மே 2ம் தேதியும், நான்காவது ஆட்டம் மே6 ஆம் தேதியும் பிற்பகல் நடைபெறுகிறது.

மேலும், இந்த தொடரின் இறுதி ஆட்டம் மே 9 ஆம் தேதியுடன் சுற்றுப்பயணம் முடிவடைகிறது. மேலே குறிப்பிட்டபடி, அனைத்து போட்டிகளும் வங்காளதேசத்தின் சில்ஹெட்டில் உள்ள சில்ஹெட் சர்வதேச கிரிக்கெட் மைதானத்தில் நடைபெற உள்ளது.

வங்கதேசத்துக்கு எதிரான இந்திய அணி:

ஹர்மன்பிரீத் கவுர் (கேப்டன்), ஸ்மிருதி மந்தனா (துணை கேப்டன்), ஷஃபாலி வர்மா, தயாளன் ஹேமலதா, சஜனா சஜீவன், ரிச்சா கோஷ் (விக்கெட் கீப்பர்), யாஸ்திகா பாட்டியா (விக்கெட் கீப்பர்), ராதா யாதவ், தீப்தி சர்மா, பூஜா வஸ்த்ரகர், அமஞ்சோத் கவுர், ஸ்ரேயங்கா பாட்டீல், சைகா இஷாக் ,ஆஷா சோபனா, ரேணுகா சிங் தாக்கூர், டைட்டாஸ் சாது