41 ரன்கள் வித்தியாசத்தில் சேப்பாக் சூப்பர் கில்லீஸ் அணி அபார வெற்றி!

கோவை : கோவை ஸ்ரீ ராமகிருஷ்ணா கலை மற்றும் அறிவியல் கல்லூரி கிரிக்கெட் மைதானத்தில் நேற்றைய தினம் நடைபெற்ற தமிழ்நாடு பிரீமியர் லீக் (TNPL) 2025 இன் ஆறாவது போட்டியில், சேப்பாக்கம் சூப்பர் கில்லீஸ் அணிக்கு எதிராக நெல்லை ராயல் கிங்ஸ் டாஸ் வென்று பந்துவீச்சைத் தேர்வு செய்தது.

இப்போட்டியில், முதலில் பேட் செய்த சேப்பாக் அணி, 20 ஓவர்களில் 7 விக்கெட் இழப்பிற்கு 212 ரன்கள் குவித்தது. அணி சார்பாக, கே. ஆஷிக் 54 ரன்களும், ஸ்வப்னில் சிங் 45 ரன்களும் எடுத்தனர். அடுத்து களமிறங்கிய நெல்லை அணி 20 ஓவர்களில் 9 விக்கெட் இழப்பிற்கு 171 ரன்கள் மட்டுமே எடுத்து தோல்வியை சந்தித்தது.

முதலில் பேட்டிங் செய்த சூப்பர் கில்லீஸ் அணி, 7 விக்கெட் இழப்புக்கு 212 ரன்கள் குவித்து அபாரமாக விளையாடியது. 24 வயதான ஆஷிக் 54 ரன்கள் எடுத்தார், அவர் ஏழு பவுண்டரிகள் மற்றும் ஒரு சிக்ஸருடன் அசத்தினார். முந்தைய போட்டியில் தனது அணியின் வெற்றியில் முக்கிய பங்கு வகித்த கேப்டன் அபராஜித் 41 ரன்கள் எடுத்து சிறப்பான ஆட்டத்தை வெளிப்படுத்தினார்.

அபராஜித் ஐந்து பவுண்டரிகள் மற்றும் இரண்டு சிக்ஸர்களை அடித்து, கேட்ச் கொடுத்து ஆட்டமிழந்தார். 17வது ஓவரில் என். ஜெகதீசன் 13 (10b, 2×4) ரன்களுக்கு ஆட்டமிழந்ததைத் தொடர்ந்து, ஸ்வப்னில் சிங் ஐந்து அசுரத்தனமாக விளையாடி சிக்ஸர்களை விளாசி, இரண்டு பவுண்டரிகளுடன் 45  ரன்களை எடுத்தார். கடைசி ஐந்து ஓவர்களில் கில்லீஸ் 78 ரன்கள் எடுத்து இந்த சீசனில் அதிகபட்ச ஸ்கோரை எட்டினார். இதன் மூலம், 20 ஓவர்களில் 7 விக்கெட் இழப்பிற்கு 212 ரன்கள் குவித்தது.

213 ரன்கள் எடுத்தால் வெற்றி என்கிற இலக்கை நோக்கி களமிறங்கிய நெல்லை ராயல் கிங்ஸ் அணி, சேப்பாக் பந்துவீச்சை சமாளிக்க முடியாமல் அடுத்தடுத்து விக்கெட்டுகளை இழந்தது. 15வது ஓவரில் 6 விக்கெட் இழப்பிற்கு 113 ரன்கள் என்ற நிலையில் தடுமாறிக் கொண்டிருந்தது. நெல்லை அணி சார்பாக, அருண் கார்த்திக் 41 பந்துகளில் 52 ரன்கள் எடுத்தார். முகமது அட்னான் கான் 27 பந்துகளில் 48 ரன்கள் சேர்த்தார்

இறுதியில், அபிஷேக் தன்வார் 33, ஸ்வப்னில் 26, எம்.சிலம்பரசன் 18 ரன்கள் எடுத்திருந்த போதிலும், 9 விக்கெட் இழப்பிற்கு 171 ரன்கள் எடுத்து தோல்வியை தழுவியது நெல்லை அணி. இந்த வெற்றியின் மூலம் சேப்பாக் புள்ளிப் பட்டியலில் முன்னேறி உள்ளது.