ஹரியானா தேர்தலில் முறைகேடு: அடுத்த குண்டை தூக்கிப்போட்ட ராகுல் காந்தி!

டெல்லி :ஹரியானா சட்டமன்றத் தேர்தலில் காங்கிரஸ் மாபெரும் வெற்றி பெறும் என கருத்துக்கணிப்புகள் கூறியபோதிலும், பாஜக சில தொகுதிகளில் வென்றது குறித்து மக்களவை எதிர்க்கட்சித் தலைவர் ராகுல் காந்தி கடுமையான குற்றச்சாட்டு வைத்துள்ளார். “வாக்குத் திருட்டு சதி நடந்தது. காங்கிரஸ் வெற்றி பெறுவதைத் தடுக்க அது செய்யப்பட்டது” என்று கூறி, ‘THE H Files’ என்ற தலைப்பில் ‘ஹைட்ரஜன் குண்டு’ போன்ற பரபரப்பான ஆதாரங்களை இன்று (நவம்பர் 5, 2025) செய்தியாளர் சந்திப்பில் வெளியிட்டார்.

இந்த அம்பலம், தேர்தல் ஆணையத்தின் (ECI) நடவடிக்கைகளுக்கு எதிரான ராகுலின் தொடர் போராட்டத்தின் தொடர்ச்சியாகும்.ராகுல் காந்தி, “2 கோடி வாக்காளர்களில் 25 லட்சம் வாக்குகள் போலியானவை. ஒரே பெண்ணின் புகைப்படத்துடன் வெவ்வேறு பெயர்களில் வாக்காளர்கள் பதிவு செய்யப்பட்டுள்ளனர். தபால் வாக்குகள் எண்ணிக்கையும் தேர்தல் முடிவுகளும் பொருந்தவில்லை” என்று குற்றம் சாட்டினார்.

ஹரியானாவில் 22,000 வாக்குகளில் காங்கிரஸ் வெற்றி வாய்ப்பை இழந்ததாகவும், அனைத்து கருத்துக்கணிப்புகளும் காங்கிரஸ் வெற்றி எனக் கூறியபோதும், பாஜகவின் நயாப் சைனி “ஆட்சி அமைக்கும்” என்று சிரித்தபோது ‘vyavastha’ (அமைப்பு) என்று குறிப்பிட்டது சதியின் அறிகுறி என்றும் அவர் சுட்டிக்காட்டினார். வாக்குப்பதிவுக்கு 2 நாட்களுக்கு முன் நயாப் சைனி பேசிய வீடியோவை வெளியிட்டு, “அந்த சிரிப்பின் பின்னால் பெரிய சதி உள்ளது” என்று கூறினார்.ராகுல் காந்தி, “நான் Gen Z தலைமுறையினரை கேட்கிறேன். உங்கள் எதிர்காலத்தைப் பற்றி பேசுகிறேன். உங்கள் வாக்குரிமையை நிலைநாட்டுவதற்காகவே இதைச் செய்கிறேன்” என்று இளைஞர்களை எச்சரித்தார்.

மேலும், “காங்கிரஸ் மாபெரும் வெற்றி பெறுவதைத் தடுக்க சதி நடந்தது. வரலாற்றில் முதல் முறையாக தபால் வாக்குகள் மற்றும் EVM வாக்குகளுக்கு தொடர்பே இல்லை” என்று கூறி, தேர்தல் ஆணையத்தின் மீது கடுமையான குற்றச்சாட்டு வைத்தார். மத்திய பிரதேசம், சத்தீஸ்கர், மஹாராஷ்டிரா தேர்தல்களிலும் இதே போன்று நடந்ததாகவும், ஹரியானாவில் 8-ல் 1 வாக்கு போலியானது என்றும் கூறினார்.

ஹரியானா தேர்தலில் தபால் வாக்குகள் 95% பாஜகவுக்கு சாதகமாக இருந்ததாகவும், EVM வாக்குகள் காங்கிரஸுக்கு சாதகமாக இருந்ததாகவும் ராகுல் கூறினார். “5 கருத்துக்கணிப்புகள் காங்கிரஸ் வெற்றி எனக் கூறியபோது, பாஜகவின் நயாப் சைனி சிரித்தபோது ‘அமைப்பு’ என்று குறிப்பிட்டது சதியின் அறிகுறி” என்று வீடியோ ஆதாரத்துடன் காட்டினார்.

அதனைத்தொடர்ந்து, “ஹரியானாவில் 2 கோடி வாக்காளர்களில் 25 லட்சம் வாக்குகள் திருட்டு” என்று கூறி, தேர்தல் ஆணையத்திற்கு எதிராக தொடர் போராட்டம் தொடர்கிறோம் என்று அறிவித்தார். முடிவாக, ராகுலின் ‘H Files’ அம்பலம், ஹரியானா தேர்தல் முடிவுகளை சர்ச்சைக்குள்ளாக்கியுள்ளது. காங்கிரஸ், ECI மீது வாக்குத் திருட்டு குற்றச்சாட்டை தொடர்ந்து வைத்துள்ளது.