தமிழக வெற்றி கழகத்திற்கு விசில் சின்னம் ஒதுக்கீடு..!

சென்னை :தமிழக வெற்றிக் கழகத்திற்கு (தவெக) தேர்தல் ஆணையம் விசில் சின்னத்தை ஒதுக்கீடு செய்துள்ளது. 2026 சட்டமன்றத் தேர்தலில் போட்டியிடுவதற்கான அங்கீகாரம் பெற்ற கட்சிகளின் பட்டியலில் தவெகவுக்கு விசில் சின்னம் ஒதுக்கப்பட்டுள்ளது என்று தேர்தல் ஆணையம் அதிகாரப்பூர்வ அறிவிப்பு வெளியிட்டுள்ளது.த

வெக தலைவர் விஜய் தலைமையில் கட்சி பதிவு செய்யப்பட்ட பிறகு, தேர்தல் ஆணையத்திடம் சின்னம் கோரப்பட்டது. பல்வேறு கட்சிகளின் சின்ன கோரிக்கைகளை ஆய்வு செய்த பிறகு, விசில் சின்னம் தவெகவுக்கு ஒதுக்கீடு செய்யப்பட்டுள்ளது. இந்த சின்னம் தமிழகத்தில் முன்பு வேறு கட்சிகளுக்கு ஒதுக்கப்பட்டிருந்தாலும், தற்போது காலியாக இருந்ததால் தவெகவுக்கு வழங்கப்பட்டுள்ளது.

தவெகவின் இந்த சின்ன ஒதுக்கீடு கட்சியின் தேர்தல் பயணத்திற்கு பெரும் உற்சாகத்தை அளித்துள்ளது. விசில் சின்னம் தமிழகத்தில் மக்களிடையே பரவலாக அறியப்பட்ட சின்னம் என்பதால், வாக்காளர்களிடம் எளிதில் அடையாளம் காணப்படும் என்று கட்சி வட்டாரங்கள் தெரிவிக்கின்றன. தேர்தல் ஆணையத்தின் இந்த அறிவிப்பு கட்சியின் மாவட்ட நிர்வாகிகள் மற்றும் தொண்டர்களிடையே மகிழ்ச்சியை ஏற்படுத்தியுள்ளது.

தவெக தலைவர் விஜய் தலைமையில் ஜனவரி 25-ஆம் தேதி மாமல்லபுரத்தில் நடைபெறவுள்ள மாநில-மாவட்ட நிர்வாகிகள் ஆலோசனைக் கூட்டத்தில், விசில் சின்னத்தை மையமாக வைத்து தேர்தல் பணிகள் குறித்து விரிவான ஆலோசனை நடைபெற உள்ளது. இந்த சின்ன ஒதுக்கீடு 2026 சட்டமன்றத் தேர்தலில் தவெகவின் வாக்கு சதவீதத்தை அதிகரிக்க உதவும் என்று கட்சியினர் நம்பிக்கை தெரிவித்துள்ளனர்.