இஸ்ரேல் :இஸ்ரேலிய பிரதமர் பெஞ்சமின் நெதன்யாகு, ”பாலஸ்தீன நாடு இருக்காது என்றும், அந்த நிலம் இஸ்ரேலுக்கு சொந்தமானது”’ என்றும் அறிவித்தார். ஜெருசலேமின் கிழக்கே உள்ள இஸ்ரேலிய குடியேற்றமான மாலே அடுமிமில் நடந்த விழாவில் அவர் இந்த அறிக்கையை வெளியிட்டார்.
அவர், ஆக்கிரமிப்பு கீழுள்ள வெஸ்ட் பாங்கில் உள்ள மாஅலே அதுமிம் என்ற இஸ்ரேல் குடியேற்றத்தில், E1 என்ற சர்ச்சைக்குரிய குடியேற்ற விரிவாக்கத் திட்டத்தின் ஒப்பந்தத்தில் கையெழுத்திட்டபோது இதைத் தெரிவித்தார். இது, கிழக்கு ஜெரூசலேமை மையமாகக் கொண்ட பாலஸ்தீன அரசை முடக்கும்.
தற்போது, வெஸ்ட் பாங்கில் 3 மில்லியன் பாலஸ்தீனர்களும், 5 லட்சம் இஸ்ரேல் குடியேற்றவாசிகளும் வசிக்கின்றனர். இந்தத் திட்டம், ஜெரூசலேமும் வெஸ்ட் பாங்கும் இடையே உள்ள பகுதியைப் பிரித்து, பாலஸ்தீனர்களின் எதிர்கால அரசுக்கு தடையாக அமையும் என்று கூறுகின்றனர்.
அதாவது, இது பாலஸ்தீனியர்களால் எதிர்கால மாநிலமாக உரிமை கோரப்பட்ட பகுதியை இரண்டு பகுதிகளாகப் பிரிக்கும். இந்த அறிக்கை, காஸா போருக்குப் பிறகு, அதிகரித்த பதற்றத்தை மேலும் தீவிரப்படுத்தியுள்ளது. ஐ.நா.யில் 149 நாடுகள் ஏற்கனவே பாலஸ்தீனத்தை அங்கீகரித்துள்ளன.
கத்தாரில் ஹமாஸ் தலைவர்களை படுகொலை செய்ய இஸ்ரேல் முயற்சித்த இரண்டு நாட்களுக்குப் பிறகு, நெதன்யாகுவின் மேற்குக் கரை வருகையும் அவரது அறிக்கையும் வந்துள்ளது. இந்தத் திட்டம் முக்கிய நட்பு நாடுகளுடனான இஸ்ரேலின் உறவுகளை மேலும் சீர்குலைக்கும் அச்சுறுத்தலை ஏற்படுத்துகிறது